ලංකාව 19න් පහළ ලෝක කුසලානයේ අවසන් පූර්ව තරගයට

වයස අවුරුදු 19න් පහළ ලෝක කුසලාන ක‍්‍රිකට් තරගාවලියේ අවසන් පූර්ව වටයට සුදුසුකම් ලැබීමට ශ‍්‍රී ලංකාව අද සමත් වුණා. ඒ, අර්ධ අවසන් පූර්ව තරගයකදී එංගලන්තය කඩුලු 06කින් පරාජය කරමින්.

පළමුවෙන් පන්දුවට පහරදුන් එංගලන්ත වයස අවුරුදු 19න් පහළ කණ්ඩායම ලකුණු 184 කට සියලු දෙනා දැවී ගියා. ශ‍්‍රී ලංකා වයස අවුරුදු 19න් පහළ කණ්ඩායම එම ලකුණු සංඛ්‍යාව පසුකර ගියේ පන්දුවාර 35යි පන්දු 04ක් පමණක් වැය කරමින්.

විශිෂ්ඨ පිතිහරඹයක යෙදුනු අවිශ්ක ප‍්‍රනාන්දු ලකුණු 95ක් ලබා ගත්තා. තරගය පැවැත්වුණේ බංග්ලාදේශයේ මීර්පූර් හි ශ‍්‍රී බංග්ලා ජාතික ක‍්‍රීඩාංගණයේදීයි.