අල් ජසීරා ඇමෙරිකා විකාශනය නවතියි

අල් ජසීරා මාධ්‍ය ජාලයට අයත් අල් ජසීරා ඇමෙරිකා කේබල් රූපවාහිනී නාලිකාවේ විකාශනය නැවැත්වීමට එම සමාගම තීරණය කර ඇති බව වාර්තා වේ.

ඒ අනුව එය විකාශනය කිරීම මෙම වසරේ අප්‍රි‌ෙයල් මාසයේ සිට අත්හිටුවීමට නියමිත වේ. සීඑන්එන් සහ ෆොක්ස් නිව්ස් නාලිකා වලට අභියෝග කරමින් අල් ජසීරා ඇමෙරිකා පුවත් නාලිකාව ආරම්භ කර ඇත්තේ වසර 2013දී ය.

එය ඇමෙරිකාවේ නිවාස මිලියන 60ක් පමණ ආවරණය කළ අතර 2015 වසරේදී එය දිනකට නැරඹූ ප්‍රේක්ෂකයින් ගණන 19,000ක් පමණ විය. එය ඔවුන්ගේ තරඟකරුවන්ගේ ප්‍රේක්ෂකයින් ගණනට වඩා ඉතා අඩු අගයකි.

ඩොලර් මිලියන ගණනක් වියදම් කරමින් ඇමෙරිකාවේ දක්ෂතම මාධ්‍යවේදීන් එම නාලිකාව සඳහා බඳවා ගත්තද ප්‍රේක්ෂකයින් ආකර්ශනය කර ගැනීමට එම නාලිකාවේ නොහැකි විය.