ගමට මෛත්‍රි අරහං ,සාටකය නායකත්වය කර ගත් මැතිවරණයක් අවශ්‍යමයි !

ගම තුළ ජීවත්වන ජනතාව මෛත්‍රිපාල සිරිසේන ජනාධිපතිවරයාව ප්‍රතික්ෂේප කරන හෙයින් ඉදිරි පළාත් පාලන මැතිවරණයේදී සාටකය නායකත්වය කර ගත් මැතිවරණයකට යා යුතු බව වලල්ලාවිට ප්‍රාදේශීය සභාවේ හිටපු සභාපති උදේනි අතුකෝරාල පවසයි .කොළඹදී පැවති ප්‍රවෘත්ති සාකච්ඡාවකදී ඔහු මේ බව කියා සිටියා.

එහිදී වැඩිදුරටත් අදහස් දක්වමින් උදේනි අතුකෝරාල පැවසුවේ , ඉදිරි පළාත් පාලන මැතිවරණයේදී මෛත්‍රිපාල සිරිසේන සමග තරග කලහොත් අන්ත පරාජයකට පත්වන බව වගකීමෙන් ප්‍රකාශ කරන බවත් සාටකේ මුල් කර ගත් නායකත්වයක් හරහා මැතිවරණය ජයග්‍රහණය කල යුතු බවයි.

මේ මාධ්‍ය සාකච්ඡාවට එක් වෙමින් පළාත් පාලන ආයතන එකමුතුවේ කැඳවුම්කරු මොරටුව මහ නගර සභාවේ හිටපු නගරාධිපති සමන් ලාල් ප්‍රනාන්දුද කියා සිටියේ , ඉදිරි පළාත් පාලන මැතිවරණයට ජනාධිපති මෛත්‍රීපාල සිරිසේනගේ නායකත්වයෙන් සිදු කලහොත් අන්ත පරාජයක් හිමිවන බවයි .