මහින්ද පරදන පොදු අපේක්‍ෂකයෙක් හෙළ උරුමයෙන්.. [Video]

එළැඹෙන ජනාධිපතිවරණයට පෙර ව්‍යවස්ථා සංශෝධනයක් සිදු නොකළහොත් ඊට පොදු අපේක්ෂකයකු ඉදිරිපත් කරන බව ජාතික හෙළ උරුමය පවසයි.

මහරගමදී පැවති ජාතික හෙළ උරුමයේ 11 වැනි සංවත්සරය අමතමින් එම පක්‍ෂ නියෝජ්‍ය ලේකම් උදය ගම්මන්පිල මහතා මේ බව ප්‍රකාශ කළේය.

ජනාධිපතිවරයා ලවා ආණ්ඩුක‍්‍රම ව්‍යවස්ථා සංශෝධනයක් සිදුකර ගැනීමට උත්සහ දරන බවද කී ඒ මහතා මෙරට ජනතාව ව්‍යවස්ථා සංශෝධනයක් බලාපොරොත්තුවෙන් සිටින බවත් පෙන්වා දුනනේය.

එම පක්‍ෂ සභාපති හා පාර්ලිමේන්තු කණ්ඩායම් නායක අතුරලියේ රතන හිමියන් සඳහන් කලේ ජනාධිපතිවරණයේදී හෙළ උරුමයේ සහාය දෙනුයේ කාටදැයි මධ්‍යම කාරක සභාව තීරණයක් ගන්නා බවයි.

හෙළ උරුමයේ මහ ලේකම් අමාත්‍ය පාඨලී චම්පික රණවක මහතා සමළූව අමතමින් කියා සිටියේ මීළඟ ජනාධිපතිවරණයේදී රජුන් තනන්නේ මහසඟරුවන ප‍්‍රමුඛ ජාතික බලවේග බවයි.