මාතලේ සන්ධාන මන්ත‍්‍රී රංවුවක් එජාපයට

මාතලේ මහ නගර සභා නාගරික මන්ත‍්‍රීවරයෙකු ඇතුළු දිස්ත‍්‍රික්කයේ ප‍්‍රාදේශීය සභා කිහිපයක එජනිස මන්ත‍්‍රීවරුන් කිහිපදෙනෙකු එක්සත් ජාතික පක්ෂයට එක්වීමට තීරණය කර ඇතැයි වාර්තා වෙයි.

තමන් නුදුරේදීම එක්සත් ජාතික පක්ෂයට යළි එක්වන බව මාතලේ නාගරික මන්ත‍්‍රී රොෂාන් ද සිල්වා මහතා පැවසීය.

පසුගිය ජනාධිපතිවරණයේදී නියෝජ්‍ය අමාත්‍ය රෝහණ දිසානායක මහතා සමග සාකච්ඡ කර එක්සත් ජාතික පක්ෂයේ සිට සන්ධානයට පැමිණි බව පැවසූ ඒ මහතා බලාපොරොත්තු වූ අන්දමට සන්ධාන ආණ්ඩුවෙන් පලක් නොමැති බවත්,එම සන්ධානයේ ඇතැම් අයගේ කෙනෙහිලිකම් නිසා යළිත් එක්සත් ජාතික පක්ෂයට එක්වන බවත් පැවසීය.

මාතලේ,දඹුල්ල,පල්ලේපොල,රත්තොට,නාඋල යන ප‍්‍රාදේශීය සභාවල එක්සත් ජාතික පක්ෂයේ සිට සන්ධානයට එක්වූ මන්ත‍්‍රීවරුන් පිරිසක්ද යළි එක්සත් ජාතික පක්ෂයට එක්වීමට නියමිත බවද ආරංචි මාර්ග සදහන් කරයි.