කොටි ළමා සොල්දාදුවන් හිටියේ නෑ.. පින්තූරවල ඇත්තේ රගපාන්න ගත්ත දරුවන් - කරුණා

කිසිදිනෙක කොටි සංවිධානය විසින් කුඩා දරුවන් සොල්දාදුවන් ලෙස භාවිත නොකළ බව එම සංවිධානයේ සන්නද්ධ නායකයෙකු සිටි කරුණා අම්මාන් හෙවත් විනයාගමූර්ති මුරලිදරන් සඳහන් කරයි.

වයස අවුරුදු 18ට අඩු කිසිවකු එල්ටීටීඊ සංවිධානයට බඳවා ගැනීම නායක වේළුපිල්ලේ ප්‍රභාකරන් විසින් තහනම් කර තිබූ බවද ඔහු පවසයි.

ළමා සොල්දාදුවන් යැයි කියමින් ‍ප‍්‍රසිද්ධ වී ඇති පින්තූර තුළ සිටින්නේ සැබෑ ළමා සොල්දාදුවන් නොවන බවද පැවසූ ඔහු ඒවා තම සංවිධානය විසින් භාවිතා කරන ලද්දේ ප්‍රචාරණ කටයුතු සඳහා බව ද එහි සිටින්නේ යොදා ගත් ළමා නළුවන් බවද කියා සිටියේය.

ඔහු මේ බව කියා සිටියේ පුද්ගලික ගුවන් විදුලි නාලිකාවක් සමග සාකච්ඡාවකට එක්වෙමිනි.