ලෝක වෙළඳපොලේ ඉන්ධන මිල අඩුවීමේ සහනය ජනතාවට ලබාදීම සඳහා මෙරට ඉන්ධන මිල අඩුකිරීම වෙනුවට පරිප්පු මිල සහ විදුලි බිල් අඩුකිරීමට කටයුතු කරන ලෙස ජනාධිපති ගෝඨාභය රාජපක්ෂ මහතා ජනාධිපති ලේකම්වරයාට නියම කර තිබේ.
ලෝක වෙළඳපොලේ බොරතෙල් මිල පසුගිය මාස තුන තුළ 50%කට ආසන්න අගයකින් අඩුවී තිබෙන අතර එම සහනය ශ්රී ලංකාවේ ජනතාවට ද ලබාදෙන ලෙස දසතින් ඉල්ලීම් පැමිණිය ද රජය දිගින් දිගටම ප්රකාශ කළේ මේ මොහොතේ ඉන්ධන මිල අඩු නොකරන බවයි. ඊට හේතු වශයෙන් රජයේ ඉදිරිපෙළ ක්රියාකාරිකයකු වන උදය ගම්මන්පිල මහතා ප්රකාශ කර තිබුණේ ඉන්ධන මිල අඩුකළහොත් ජනතාව නිකරුණේ රස්තියාදු ගැසීමට පෙළඹෙනු ඇති බවකි.
එසේම රජයේ පාර්ශ්වයෙන් ඉදිරිපත් කෙරුණු තවත් තර්කයක් වූයේ ඉන්ධන මිල අඩු කළ ද එහි වාසිය සමස්ත ජනතාවටම බෙදී නොයන නිසා සමස්ත ජනතාවටම ප්රතිලාභ ලැබෙන විශේෂ ක්රමවේදයක් යටතේ මෙම සහනය ලබාදිය යුතු බවය.
ඒ අනුව සමස්ත ජනතාව වෙතම එම ප්රතිලාභය බෙදී යන සේ පරිප්පු මිල සහ විදුලි බිල් අඩුකිරීමට කටයුතු කරන්නැයි ජනාධිපතිවරයා නියම කර ඇති බව සඳහන්.
කෙසේවෙතත් ඉන්ධන මිල අඩුකෙරුණේ නම් ප්රවාහන ගාස්තු පහළ බැසීම නිසා පොදුවේ රටේ සියලුම භාණ්ඩවල මිල යම් ප්රතිශතයකින් හෝ අඩුකිරීමට හැකියාවක් පැවති අතර දැන් සිදුකර ඇත්තේ එම අවස්ථාව අහිමි කර ජනතාවට පරිප්පු කැවීමය.
Sunday, March 15, 2020
ඉන්ධන මිල අඩුකිරීම වෙනුවට ජනපතිගෙන් ජනතාවට පරිප්පු !
Tags
# දේශපාලන පුවත්
Share This
About විගස පුවත් I Vigasapuwath
දේශපාලන පුවත්
Labels:
දේශපාලන පුවත්
Subscribe to:
Post Comments (Atom)
Post Bottom Ad
Author Details
විගස පුවත් වෙබ් අඩවිය මෙරට දේශපාලන ප්රවෘත්ති පාඨක ජනතාවට සැපයීමේ අරමුණින් ක්රියාත්මක වන ප්රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු.
(බාහිර වෙබ් අඩවි වලින් ගනු ලබන තොරතුරු වල සත්යතාවය පිලිබදව අප වගකීම් නොදරන බව කාරුණිකව සලකන්න.)
Yko Oita kalin indana mila adu kalath. Banda wala mila aduweemak thibunada.
ReplyDelete