දින 6කට පසුව වූහාන් නුවරින් කෝරෝනා රෝගියෙක් වාර්තා වෙයි

දින හයකට පසුව චීනයේ වූහාන් නගරයෙන් කොවිඩ් 19 ආසාදිතයෙක් හමුවූ බව හුබෙයි පළාත් සෞඛ්‍ය කොමිසම පවසයි.

හුබෙයි පළාතෙන් වාර්තා වූ එකම කොවිඩ් ආසාදිතයා මෙය වෙයි. හුබෙයි පළාතෙන් නව මරණ හතක් වාර්තා වූ අතර ඒ සියල්ලම වුහාන් නුවරින් වාර්තා විය.

සඳුදා දිනයේදී සුවය ලැබීමෙන් පසු රෝගීන් 444 දෙනෙකු රෝහලෙන් පිටව ගොස් තිබේ. රෝහලේ ප්‍රතිකාර ලබන රෝගීන් 4,200 දෙනාගෙන් 1,203 දෙනෙකු තවමත් බරපතල තත්ත්වයේ පසුවෙයි.

හුබෙයි පළාතෙන් COVID-19 තහවුරු වූ රෝගින් සංඛ්‍යාව 67,801 ක් වන අතර එයින්  50,006 ක්ම වූහාන් නුවරින් වාර්තා වෙයි.