මතුගම නෑබඩ තෙබුවන ප්රදේශයේ වතු යායක මුළු ජීවිත කාලයම වත්ත වෙනුවෙන් දහදිය හෙලමින් වතු නිවසක ජීවත් වූ හැත්තෑ හැවිරිදි ද්රවිඩ ජාතික පුද්ගලයකු මිය යෑමෙන් අනතුරුව එම වත්තේ පිහිටි සුසාන භූමියේ භූමිදාන කිරීමට එරෙහිව එම වතුයායේ අයිතිකරු තෙබුවන පොලිසියට කරන ලද පැමිණිල්ලක් අනුව තෙබුවන පොලිසියේ ස්ථානාධිපතිවරයා විසින් මතුගම මහේස්ත්රාත් අධිකරණයෙන් දේහය සුසාන භූමියේ වළ දැමීමට එරෙහිව තහනම් නියෝගයක් ලබාගෙන තිබූ අතර තහනමට එරෙහිව මිනිය වළදැමුවහොත් මිනිසුන් අත් අඩංගුවට ගෙන හිරේ දමන බවට තර්ජන කර තිබිණ.
කර කියා ගත දෙයක් නොවූ මියගිය අයගේ ඥාතීන් නියෝජ්ය ඇමැති පාලිත තෙවරප්පෙරුම මහතා දැනුවත් කිරීමෙන් අනතුරුව එයට මැදිහත් වූ නියෝජ්ය අමාත්යවරයා පැමිණ අදාළ සුසාන භූමියේ දේහය තැන්පත් කිරීම් සඳහා වල කැපීමට ද සහභාගී වෙමින් මිනිසුන්ගේ බිය තුරන් කරමින් අසාධාරණයට එරෙහිව ක්රියා කෙළේය.
එම අවස්ථාවට පැමිණි තෙබුවන පොලිසියේ ස්ථානාධිපතිවරයා ඇතුළු නිලධාරීන් තහනම් නියෝගය පිළිබඳ අමාත්යවරයාට දැනුම් දුන් නමුත් ඇමැතිවරයා විසින් ඊට දැඩි විරෝධය පළ කර මියගිය අයගේ දේහය අදාල සුසාන භූමිය වෙත රැගෙන ගොස් පොලිසියේ විරෝධතාවය නොතකා භූමිදාන කටයුතු සිදු කරන ලදී. පොලිසියෙන් පසුව තර්ජන පැමිණේවි යැයි බියෙන් ගම්වාසීන් මිනිය කර තබාගෙන ආවේ මුහුණු වසාගෙන හඳුනා ගැනීමට නොහැකි ලෙස වීම කණගාටුදායක දසුනක් විය.
සුසානභූමිය 1929 සිට පවත්වාගෙන ආ බවට එම ස්ථානයේ ඇති මෙම වතුයායේ මුල් අයිති අයිතිකරුගේ දේහය තැන්පත් කර ඇති සොහොන අනුව මෙය පැරණි සුසාන භූමියක් බව අදාළ වත්තේ පදිංචි කරුවෝ පවසති. මෙම සුසාන භූමියේ තවත් මළ සිරුරු තැන්පත් කර ඇති අයුරු දක්නට ලැබේ. නියෝජ්ය ඇමැති පාලිත තෙවරප්පෙරුම මහතා විසින් මෙම සුසාන භූමියේ භූමිදාන කරපු අයෙකුගේ මරණ සහතිකයක් ද මේ අවස්ථාවේදී පොලිසිය හමුවේ ඉදිරිපත් කරන ලදී. මියගිය අයගේ දේහය භූමිදාන කිරීමෙන් අනතුරුව පොලිස් නිලධාරීන් පිටව ගිය අතර මේ පිළිබඳව මතුගම මහේස්ත්රාත් අධිකරණය දැනුවත් කිරීමෙන් පසුව අගෝස්තු මස 27 වන දින මතුගම මහේස්ත්රාත් අධිකරණය ඉදිරියේ පෙනී සිටීමට නියෝජ්ය අමාත්ය පාලිත තෙවරප්පෙරුම මහතාට දන්වා තිබේ.
මේ අහිංසක වතු දෙමළ මිනිසුන්ට සිංහල කනත්තක වළ දැමීමට ඉඩ නොදෙන බවත් තමන් නීතියට අනුව ක්රියා කළ නමුත් දෙන දඬුවමක් අසරණ මිනිසුන්ට නොව තමාට දෙන ලෙසත් පාලිත තෙවරප්පෙරුම ප්රකාශ කෙළේය.
අහිංසකයෙකුගේ මිනිය වළලන්න ඉඩ නොදුන් තිරිසනුන් අතර පාලිත තෙවරප්පෙරුම ඇත්තටම උඹ අපට වීරයෙකි..!
වීඩියෝව - ඉඳුනිල් කැළුම් ජයවීරගෙනි
-lankaenews
Wednesday, August 21, 2019
Home
දේශපාලන පුවත්
අහිංසකයාගේ මිනිය වළලන්න ඉඩ නොදුන් තිරිසනුන් අතර පාලිත තෙවරප්පෙරුම ඇත්තටම උඹ වීරයෙක්..! (Video)
අහිංසකයාගේ මිනිය වළලන්න ඉඩ නොදුන් තිරිසනුන් අතර පාලිත තෙවරප්පෙරුම ඇත්තටම උඹ වීරයෙක්..! (Video)
Tags
# දේශපාලන පුවත්
Share This
About විගස පුවත් I Vigasapuwath
දේශපාලන පුවත්
Labels:
දේශපාලන පුවත්
Subscribe to:
Post Comments (Atom)
Post Bottom Ad
Author Details
විගස පුවත් වෙබ් අඩවිය මෙරට දේශපාලන ප්රවෘත්ති පාඨක ජනතාවට සැපයීමේ අරමුණින් ක්රියාත්මක වන ප්රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු.
(බාහිර වෙබ් අඩවි වලින් ගනු ලබන තොරතුරු වල සත්යතාවය පිලිබදව අප වගකීම් නොදරන බව කාරුණිකව සලකන්න.)
No comments:
Post a Comment