මහරගම නගර සභාව, බදුල්ල ප්රාදේශීය සභාව, මහියංගණය ප්රාදේශීය සභාව, පානදුර නගර සභාව, අගලවත්ත ප්රාදේශීය සභාව හා වැලිගම නගර සභාව යන පළාත් පාලන ආයතන ශ්රී ලංකා පොදුජන පෙරමුණ ඉදිරිපත් කළ නාමයෝජනා ප්රතික්ශේපවී තිබේ.
ස්ත්රී - පුරුෂ භාවය නිසි පරිදි සදහන් නොවීම හේතුවෙන් මහරගම නගර
සභාව සදහා ඉදිරිපත් කර තිබූ නාම යෝජනා පත්රය ප්රතික්ෂේප වී ඇති බව කොළඹ දිස්ත්රික් තේරීම්භාර නිලධාරිවරයා පැවසීය.වැලිගම නගර සභාව සදහා ඉදිරිපත් කළ නාම යෝජනා පත්රය ප්රතික්ෂේප වී තිබෙන්නේ අදාල දිස්ත්රික්කය සදහා පක්ෂය විසින් නම් කරන ලද බලයලත් නිලධාරියා අදාළ නාමයෝජනාව භාර නොදීම හේතුවෙනි.
මේ අතර පළාත් පාලන මැතිවරණය සඳහා ශ්රී ලංකා නිදහස් පක්ෂය විසින් ඉදිරිපත් කරන ලද නාම යෝජනා පත්ර දෙකක් ප්රතික්ෂේප වී තිබේ. දෙහිඅත්තකණ්ඩිය ප්රාදේශීය සභාව හා පදියතලාව ප්රාදේශීය සභාව ශ්රී ලංකා නිදහස් පක්ෂයේ නාම යෝජනා පත්ර ප්රතික්ෂේප වී ඇති පළාත් පාලන ආයතන වේ. පළාත් පාලන ආයතන 93 අදාළ නාම යෝජනා පත්ර භාර ගැනීම බ්රහස්පතින්දා (දෙසැ 14) දහවල් 12.00 අවසන් විය. සෙසු පළාත් පාලන ආයතන 248 නාම යෝජනා පත්ර භාර ගැනීම ජනවාරි 18 සිට 21 වැනිදා දහවල් 12.00 දක්වා සිදුවනු ඇත.
මූලාශ්රය - බීබීසී සංදේශය
Friday, December 15, 2017
පොහොට්ටුවේ හා ශ්රීලනිපයේ නාමයෝජනා 08ක් ප්රතික්ෂේපයි !
Tags
# දේශපාලන පුවත්
Share This
About විගස පුවත් I Vigasapuwath
දේශපාලන පුවත්
Labels:
දේශපාලන පුවත්
Subscribe to:
Post Comments (Atom)
Post Bottom Ad
Author Details
විගස පුවත් වෙබ් අඩවිය මෙරට දේශපාලන ප්රවෘත්ති පාඨක ජනතාවට සැපයීමේ අරමුණින් ක්රියාත්මක වන ප්රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු.
(බාහිර වෙබ් අඩවි වලින් ගනු ලබන තොරතුරු වල සත්යතාවය පිලිබදව අප වගකීම් නොදරන බව කාරුණිකව සලකන්න.)
No comments:
Post a Comment