හම්බන්තොට වරායේ ගිවිසුම සූදානම් - හමුදා කටයුතු තහනම්

හම්බන්තොට වරාය පෞද්ගලීකරණය කිරීම සඳහා වූ ශ්‍රී ලංකා වරාය අධිකාරිය හා චීන වෙළෙඳ වරාය සමාගම අතර ගිවිසුමක් අත්සන් කිරීමට නියමිතය.

වරායේ ආරක්ෂාව පිළිබඳ සොයාබැලීමට කමිටුවක් පත්කිරීමට රජය සූදානම් වෙයි.

කෙසේ වෙතත් අත්සන් කිරීමට නියමිත ගිවිසුම අනුව චීන සමාගමට එහි හමුදා කටයුතු කිරීම සම්පුර්ණයෙන් කර තිබේ. 
 
වරාය සම්බන්ධ වාණිජමය කටයුතු සඳහා වරාය දේපල චීන සමාගමට වෙන් කරන බව පිටු 75 කින් සමන්විත වන එම ගිවිසුමේ සඳහන් වන බවත් කොන්දේසි මත එම අයිතිය ලබාදීමට නියමිත බවත් වාර්තා වේ.
 
කිසිම හේතුවක් මත ශ්‍රී ලංකාවේ භුමි ප්‍රදේශවල, අහසේ හෝ මුහුදේ හමුදා අභ්‍යාස කිරීමත්, සම්බැරීන, යුද නැව් හා හමුදා උපකරණ මෙරටට ගෙන්වීමත් සම්පුර්ණයෙන් තහනම් වෙයි. සන්නිවේදන ජාල සවිකිරීම හා හමුදා පිරිස් ගෙන්වීම ද තහනම් කර ඇත.
 
වරායේ ආරක්ෂක කටයුතු පාලනය කිරීමට ශ්‍රි ලංකා නාවික හමුදාව, ශ්‍රී ලංකා පොලිසිය, වරාය අධිකාරිය හා ජාත්‍යන්තර වෙළඳ අමාත්‍යංශයේ ලේකම්වරයාගේ නියෝජිතයින් සහිත කමිටුවක් පත් කරනු ඇත.