මහින්ද අලුත් පක්ෂයට ගියොත් ඒකාබද්ධයේ රැසක්‌ ආණ්‌ඩුවට

මහින්ද අලුත් පක්ෂයට ගියොත් ඒකාබද්ධයේ රැසක්‌ ආණ්‌ඩුවට

හිටපු ජනාධිපති මහින්ද රාජපක්‍ෂ මහතා ශ්‍රීලංකා පොදු ජන පෙරමුණ පක්‍ෂයේ නායකත්වය බාර ගනු ලැබුවහොත් ඔහු සමඟ විපක්‍ෂයේ සිටින මන්ත්‍රීවරු රැසක්‌ ශ්‍රී ලංකා නිදහස්‌ පක්‍ෂය සමඟ එක්‌ වී ආණ්‌ඩුවට සහයෝගය දැක්‌වීමට එකඟතාව පළ කර තිබෙන බව ශ්‍රීලනිප තරුණ සංවිධානයේ සභාපති ශාන්ත බණ්‌ඩාර මහතා පවසයි.

මහින්ද රාජපක්‍ෂ මහතාගේ මෙහෙයවීම යටතේ නව පක්‍ෂය පිහිටුවා තිබෙන බවත් ඊට ඒකාබද්ධ විපක්‍ෂයේ ශ්‍රී ලංකා නිදහස්‌ පක්‍ෂ මන්ත්‍රීවරු බහුතරයක්‌ මේ වන විට දැඩි විරෝධය පළ කර තිබෙන බව ඔහු පෙන්වා දෙයි.

ශ්‍රී ලංකා නිදහස්‌ පක්‍ෂය දෙකඩ කිරීමේ අරමුණින් පොදු ජන පෙරමුණ පිහිටුවා ගෙන තිබෙන බවත් එම නිසා ඉහත මන්ත්‍රීවරු පිරිස ජනාධිපති මෛත්‍රීපාල සිරිසේන මහතා සමඟ එක්‌ වී ශ්‍රී ලංකා නිදහස්‌ පක්‍ෂය ශක්‌තිමත් කිරීමට කැප වන බවට පසුගියදා පැවැති සාකච්ඡාවකදී ඔවුන් එකඟතාව පළ කළ බව ශාන්ත බණ්‌ඩාර මහතා පැවසීය.

මේ අනුව ඉදිරියේ දී පළාත් සභා හා පළාත් පාලන ආයතනවල මහින්ද රාජපක්‍ෂ මහතා සමඟ සිටින මහජන නියෝජිතයන් ශ්‍රී ලංකා නිදහස්‌ පක්‍ෂය ශක්‌තිමත් කිරීමේ වැඩපිළිවෙළට එක්‌කර ගැනීමට අවශ්‍ය පියවර මේ වන විටත් ගනිමින් සිටින බව හෙතෙම වැඩිදුරටත් කීය.



Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment