මිරිහාන රැඳවුමෙන් පැනගිය වකුගඩු ජවාරම්කරුවන් මන්නාරමේදී අල්ලයි

මිරිහාන රැඳවුමෙන් පැනගිය වකුගඩු ජවාරම්කරුවන් මන්නාරමේදී අල්ලයි

ශ්‍රී ලංකාව හා ඉන්දියාව අතර සිදුවූ වකුගඩු ජාවාරම්වලට ප්‍රධානවම සම්බන්ධ යැයි සැක කෙරෙන සැකකුරුවන් 07 දෙනෙකු මිරිහාන පොලිස් රැඳවුම් කඳවුරේ සිටියදී අතුරුදහන් වීමෙන් පසුව ඊයේ (10) පස්වරුවේ ඉන් සැකකරුවන් 05 දෙනෙකු මන්නාරම, පේසාලේ ප්‍රදේශයේදී අත්අඩංගුවට ගත් බව පේසාලෙයි පොලීසිය පවසයි.

මන්නාරම පොලිස් විශේෂ කාර්යංශයට ලැබුණු බුද්ධි තොරතුරකට අනුව පේසාලෙයි පොලිස් නිලධාරීන් කණ්ඩායමක් විසින් සැලසුම් සහගතව සිදුකරන ලද සෝදිසියකදී අදාළ සැකකාර ඉන්දීය ජාතිකයින් 07දෙනාගෙන් 05 දෙනෙකු අත්අඩංගුවට ගෙන තිබේ.

අත්අඩංගුවට ගත් සැකකරුවන්ගෙන් සිදුකළ වැඩිදුර ප්‍රශ්න කිරීම් වලින් සැකකරුවන් පවසා ඇත්තේ අනෙක් සැකකරුවන් දෙදෙනා මුහුදු මගින් ඉන්දියාවට පැන ගිය බවත් තමන් ද එදින රාත්‍රියේ ධීවර බෝට්ටුවක ආධාරයෙන් ඉන්දියාවට පැනයාමට සැලසුම් කොට තිබූ බවත්ය.

කෙසේවෙතත් සැකකාර ඉන්දීය ජාතිකයින්ගේ තොරතුරුවලට අනුව ඊයේ (10) රාත්‍රියේම මෙම ඉන්දීය ජාතිකයින්ට පැන යාමට උදව් කළ බවට සැකකෙරෙන තලෙයිමන්නාරම පදිංචි මෙරට ධීවරයෙකු ද අත්අඩංගුවට ගත්බව පේසාලෙයි පොලීසිය පැවසීය.

මේ අතර සැකකරුවන්ගේ ප්‍රකාශයන් අනුව පැනගිය බවට සැකකෙරෙන අනෙක් සැකකාර ඉන්දීය ජාතිකයින් දෙදෙනා ඉන්දියාවට ගොස් ද නැතහොත් ලංකාවේම සැඟව සිටින්නේද යන්න සෙවීමට විශේෂ පරීක්ෂණයක් ආරම්භ කොට ඇත.

වන්නි - රොමේෂ් මධුෂංඛ

Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment