ගං වතුරේ බඩගින්නේ සිටි ජනතාවට ලොරි ටෝක් දුන් ඇමතිට හූ කියා පන්නා දමති..

ගං වතුරෙන් අපදාවට ලක්ව සිටින ජනතාවගේ සුව දුක් බැලීමට ගොස් ඔවුනට ලොරි ටෝක් දෙන්න ගිය ඇමතිවරයෙකුට ජනතාව විසින් හූ කියා පන්නා දමා ඇතැයි වාර්තා වෙයි.

කැළණි ගඟ පිටා ගැලීමෙන් පීඩිවට පත් කොළඹ දිස්ත‍්‍රික්කයේ ජනතාවගේ සුවදුක් බැලීමට ඊයේ පස්වරුවේ ගිය මෙම ඇමතිවරයා පිරිස් මැද පවසා ඇත්තේ ‘ගෙවල් ගැන බයවෙන්න එපා. මං ඒ ඔක්කොම හදල දෙනවා’ කියායි.

‘අපට ගෙවල් වැඩක් නෑ. ඒව යටවෙලා විතරයි. වතුර බැහැල ගියාම ඒක හරි. අපි තාම දවල්ටවත් කාල නෑ’ යයි එහිදී උස් හඬින් ජනතාව පවසා ඇත. ඇමතිවරයාද දිගින් දිගටම ප‍්‍රති උත්තර දීමට යාම නිසා බඩගින්නේ සිටි ජනතාව එක දිගට හූ නියමින් ඔහු පන්නා දමා ඇත.