බනිස් ගෙඩියක පත්තෑයෙක්

පත්තෑයෙක් සහිත බනිස් ගෙඩියක් අළෙවි කළ රත්නපුර නගරයේ පිහිටි හෝටලයක් සහ ඊට යාබදව පිහිටි බේකරියක් වසාදමන ලෙස රත්නපුර අතිරේක මහේස්ත්‍රාත් රාජා සිරිමෙවන් මහතා ඊයේ (19) නියම කළේය.

මෙසේ දඩ නියම වූයේ රත්නපුර බණ්ඩාරනායක මාවතේ පිහිටි රත්නාලෝක හෝටලය ලිපිනයේ පදිංචි මොහොමඩ් අන්පාස් නැමැත්තාටයි.

අපිරිසිදු ආහාර නිපද වූ බේකරි හිමියාත් ඒවා අළෙවි කළ හෝටලයත් වසාදමා මිනිස් පරිභෝජනයට සුදුසු ලෙස ආහාර නිපදවීමට හා ඒවා අළෙවි කිරීමට හැකි මට්ටමට සකස් කරන ලෙස ද මහේස්ත්‍රාත්වරයා නියම කළේය.

එම කටයුතු මහජන සෞඛ්‍ය පරීක්ෂකවරයාගේ පූර්ණ අධීක්ෂණය යටතේ සිදුකරන ලෙස ද මහේස්ත්‍රාත්වරයා දැනුම් දී තිබේ.