ශ‍්‍රීලනිපය රැකගෙන රාජපක්‍ෂ ජනාධිපති කරවූයේ මමයි.. මා රැකගත් රාජපක්‍ෂ ශ‍්‍රීලනිපය වැනසුවා…

ශ‍්‍රී ලංකා නිදහස් පක්‍ෂය රැක ගත්තේ තමන් බවත් මහින්ද රාජපක්ෂ ජනාධිපති වීමට පවා හැකි වූයේ එනිසා බවත් හිටපු ජනාධිපතිනි චන්ද්‍රිකා කුමාරතුංග මහත්මිය පවසයි.

තමන් ශ‍්‍රීලනිපය රැක නොගත්තේ නම් මහින්ද රාජපක්‍ෂට ජනාධිපති වීමටවත් පක්ෂයක් නැති බවද ඇය කියා සිටියාය.

පක්‍ෂය දැඩි අර්බුදවලට ලක් වූ අවස්ථාවක තමක්ද ඇතුළු සුළු පිරිසක් පක්ෂය දැඩි බාධා මධ්‍යයේ රැකගත් බවත් එසේ රැකගත් පක්ෂය මහින්ද රාජපක්ෂ විසින් විනාශ කර දැමූ බවත් හිටපු ජනාධිපතිනිය වැඩි දුරටත් කියා සිටියාය. ඉදිරියටද කවුරුන් කෙසේ පක්ෂය විනාශ කරන්න උත්සාහ කළත් පක්ෂය ශක්තිමත්ව ඉදිරියටම යන්නේ යයිද ඇය අවධාරණය කරයි.