කලාවේ හා කලාකරුවන්ගේ සුභසාධනය වෙනුවෙන් හෙළ බල කලා සංසදය ඉදිරිපත්කල යෝජනා මාලාව වසර 4ක් තුල ඉටුකර දීමට ජනාධිපතිවරයා පොරොන්දු වූ බව ඔහු කියා සිටියේ ශ්‍රී ලංකා පදනම් ආයතනයේදී පැවති මාධ්‍ය හමුවකට සහභාගී වෙමිනි.
මෙම මාධ්‍ය සාකච්ඡාව සඳහා එම සංසදයේ උපදේශක ආචාර්ය අනූෂ ප්‍රනාන්දු, ප්‍රධාන සංවිධායක රජිත හිරාන් ,මාධ්‍ය ලේකම් සමන් චන්ද්‍රරත්න යන මහත්වරු ඇතුළු විශාල පිරිසක් සහභාගී වූහ.
වැඩිදුරටත් අදහස් දන්වමින් අර්ජුන් කමලනාත් මහතා මෙසේද ප්‍රකාශකර සිටියේ ‘‘ 83 දී කළුජූලිය වෙලාවෙදි විජය චිත්‍රාගාරය ගිනි තිබ්බා. 88/89 කාලෙදි අවුරුදු දෙකක් 6.30, 9.30 දර්ශන පෙන්නන්න බැරි යුගයක් තිබුණා. 96 දී බලයට ආපු චන්ද්‍රිකා චිත්‍රපට සංස්ථාව සතු වූ බෙදාහැරීම් පෞද්ගලික අංශයට පැවරුවා.
කලාව විනාශ කරපු මේ තුන්ගොල්ලගෙන්ම යහපාළනයක් බලාපොරොත්තු වෙන්න බෑ. 2009න් පස්සෙ තමයි ලාංකේය චිත්‍රපට කර්මාන්තය ඔළුව උස්සගෙන එන්නෙ. මේ ගමන ආපසු හරවන්න බැරි බවය.
කලාව හඳුනන කලාවට අතහිත දෙන නායකයෙක් ලෙස ජනාධිපති මහින්ද රාජපක්ෂ මහතාගේ විජයග්‍රහණය වෙනුවෙන් රට පුරා ප්‍රසංග මාලාවක් පැවැත්වීමටත් වීදි නාට්‍ය හා අත්පත්‍රිකා බෙදා හරිමින් ජනතාව දැනුවත් කිරීමටත් තම සංසදය කටයුතු කරන බව කර සභාපති අර්ජුන කමලනාත් අවධාරණය කළේය.
මෑතදී මෛත්‍රීපාල සිරිසේන මහතාට සහය පලකල චිත්‍රපට අධ්‍යක්ෂක සෝමරත්න දිසානායක පිළිබදව මාධවේදියෙකු නැගූ ප්‍රශ්ණයකට පිළිතුරු දෙමින් ඔහු පැවසුවේ, ඔහුගේ හැරයාම තුලින් සිදුවුයේ ජනාධිපතිතුමා වටා තවත් විශාල පිරිසක් එකතු වීම බවත් කලාව තුල අමුතුම මාදිලියේ සිවිල් බලයක් ගොඩනගා ගනිමින් සෝමරත්න මහතා රජය ගොනාට ඇන්දූ බවය.
මෙහිදී අදහස් දක්වමින් ප්‍රධාන සංවිධායක රජිත හිරාන් පෙන්වා දුන්නේ තම ස්වාමියාගේ මරණයට සාධාරණයක් ඉටුකරගත නොහැකි වූ නායිකාවක් වන චන්ද්‍රිකා මහත්මිය කලාකරුවන්ගේ ගැට‍ළු විසදනුයේ කෙසේද යන්නයි
– edmediaunit
![කොරෝනා අස්සේ ජනයි ප්රියයි අත්තඩංගුවට - නුඩුත් නෑ බඩුත් නෑ නිදහස් - සමාජයෙන් වසන්කල වීඩියෝව එළියට [VIDEO]](https://blogger.googleusercontent.com/img/b/R29vZ2xl/AVvXsEhkIS_4DWAxbzLPYuBq_JkjPzi2oJf-ZCGgn0JURQo7NORxPshba7S_Zb8x2uwazASuDcU7bdTSjUuwYj_s8gPzjzafZ2p7St4As-Dk0_rNs61TyxaWjUmW0VDiOAjnHQqbyW1QusdoRoA/s72-w320-c-h180/janai+-+priyai.jpg)
No comments:
Post a Comment