මංගල මුද්ද වැසිකිළි වළේ ගන්න ගිහින් අත හිරවේ

සිය මංගල මුදුව වැසිකිළි වළකට වැරැදීමකින් වැටීම නිසා එය නැවැත ලබා ගැනීමට එම වළට අත දැමූ පුද්ගලයකුගේ අත සිරවීමෙන් ඔහු පැය ගණනක් අපහසුතාවට පත්විය. 

ඇඟපත සෝදා ගැනීමට සේවා ස්ථානයෙහි නාන කාමරයට ගිය චීන ජාතික ෂෑන් සිය මංගල මුදුව ගලවද්දී එය ඇඟිල්ලෙන් ලිස්සා වැසිකිළි වළට වැටුණේය. 

එය නැවැත ගැනීමට වළ තුළට අත දැමූ ෂෑන්ට තවත් කරදරයකට මුහුණපෑමට සිදුවිය. ඔහුගේ අත වළෙහි සිර වුණේය. අනෙක් සේවක පිරිස එහි පැමිණියේ ෂෑන්ගේ කෑගැසීම ඇසීම නිසාය. 

ඔවුන් සබන් වතුර වැසිකිළි වළට දමා අත ඉවත් කර ගැනීමට දැරූ උත්සාහයද අසාර්ථක විය. පසුව ගිනි නිවන හමුදාව එහි ගෙන්වා වැසිකිළි වළ අවට බිම කඩා දමා ෂෑන්ගේ අත ඉවතට ගත් බව හෙළිවේ.