දෙන්නෙම නෑ කියූ - විමල් , වාසු, ගම්මන්පිල ඇතුලු පිරිස 20ට සහය දීමට තීරණය කරයි

ලබන නොවැම්බර් මාසයේදී ඉදිරිපත් කිරීමට නියමිත නව ආණ්ඩුක්‍රම ව්‍යවස්ථා සංශෝධනයේදී ද්විත්ව පුරවැසි වගන්තය ඉවත් කරන බවට ජනපති ගෝඨාභය රාජපක්ෂ මහතා සහතික වූ හෙයින් අමාත්‍යවරුන් වන උදය ගම්මන්පිල, විමල් වීරවංශ, වාසුදේවා නානායක්කාර හා පාර්ලිමේන්තු මන්ත්‍රීවරුන් වන වීරසුමන වීරසිංහ, මහාචාර්ය තිස්ස විතරණ ඇතුළු පිරිස විසිවැනි සංශෝධනයට පක්ෂව ඡන්දය දෙන බව අමාත්‍ය වාසුදේව නානායක්කාර මහතා පැවැසීය.

අද කොළඹදී පැවැති මාධ්‍ය හමුවකදී ඔහු මේ බව පැවැසීය. ඊයේ ජනපතිවරයා හා පැවැති සාකච්ඡාවේදී මෙම එකඟතාවට පැමිණි බවත් ඔහු පැවැසීය.

කෙසේ වෙතත් විසිවැනි සංශෝධනය තුළ ද්විත්ව පුරවැසි වගන්තිය ඒ ආකාරයෙන්ම පවතින බවත් ඔහු වැඩිදුරටත් පැවැසීය.