ගාලු මුහුදින් හදුනා නොගත් යාත්‍රා කොටසක් හමුවේ

ගාල්ලට මුහුදු සැතපුම් නවයක් දුරින් මුහුදේ පාවෙමින් තිබූ යානාවක කොටසක් බවට සැක සිතිය හැකි හඳුනා නොගත් වස්තුවක් ගාල්ල ධීවර වරායෙන් මුහුදු ගිය ධීවර කාර්මිකයින් පිරිසක් විසින් (14) දහවල් ගොඩබිමට රැගෙන විත් තිබේ.

දිගින් අඩි හතරක් පමණ වන මෙම හඳුනා නොගත් වස්තුව ධීවරයින්ට හමුවන විට පාවෙමින් තිබූ බවද මෙම හඳුනාගොගත් වස්තුව බහුදින යාත්‍රාව මතට ගෙන එහි ඇනිය මත තබාගෙන 14 දහවල් ගොඩබිමට රැගෙන ආ බවද අදාල යාත්‍රාවේ සිටි ධීවර කාර්මිකයෙකු වන සුමිත් ද සිල්වා මහතා අප සමග පැවසීය.

ගාල්ල ධීවර වරායෙන් මුහුදුගොස් අපසු ධීවර වරාය වෙත එමින් සිටි තුශාන් පුතා ධීවර යාත්‍රාවේ සිටි ධීවර කාර්මිකයින් පිරිසකට මෙම හඳුනා නොගත් යානා කොටස හමුව ඇත. මෙම යානා කොටස කුමක්දැයි මෙතෙක් හඳුනාගෙන නොතිබූ අතර ගාල්ල වරාය පොලීසියේ නිළධාරීන්ද මෙම හඳුනානොගත් යානා කොටස තිබූ ස්ථානය වෙත පැමිණ සිටිනු දක්නට ලැබුණි.