මහින්ද රාජපක්‍ෂ ‘ශ‍්‍රී ලංකා පොදුජන පෙරමුණ’ වේදිකාවට ගොඩවේ..

තමන් එන රැස්වීම්වලට ඉදිරියේදී සෙනග ගෙන්වන්නට එපා යයි හිටපු ජනපති මහින්ද රාජපක්‍ෂ මහතා රත්නපුරයේදී කීය.

තම රැස්වීම්වලට සෙනග එනවා දුටුවිට ආන්ඩුව විසින් මැතිවරණ තවත් කල් දාන්නේ යයිද කී හිටපු ජනපති අද වන විට මැතිවණ කල් දැමීම හේතුවෙන් පළාත් පාලන ආයතනවල සේවය ඉටුවීම ප‍්‍රමාද වී ඇති බවද කීය.

අගමැති රනිල් හම්බන්තොට වරාය ගැන විදේශවලදී කියන්නේ එය ඉතා හොඳ වරායක් බවත් පැමිණ කර්මාන්ත ශාල ආරම්භ කරන ලෙදස් බවද කී රාජපක්‍ෂ මහතා ලංකාවේදී කියන්නේ හම්බන්තොට වරාය ලොව ලොකුම පිහිනුම් තටාකය ලෙස බවද පැවසීය. මෙම ජනහමුව පැවැත්වුනේ රත්නපුර දිස්ත‍්‍රික්කයේ ශ‍්‍රී ලංකා පොදුජන පෙරමුණු මෙහෙයුම් කාර්යාලය විවෘත කිරීම සදහායි.