නීතිවිරෝධී කටයුතු මඩින්න බන්ධනාගාර තුලට STF ඇතුලු කෙරේ..

මෙරට බන්ධනාගාරවල පරික්‍ෂා කටයුතු සදහා පොලිස් විශේෂ කාර්ය බලකාය යෙදවීමට තීරණය කර ඇති බව වාර්තා වෙයි.

බන්ධනාගාර රැදවියන් විසින් සිදු කරන විවිධ නීති විරෝධී කටයුතු බන්ධනාගාර තුල සගවා ඇති ජංගම දුරකතන ඇතුළු උපකරණ මත්ද‍්‍රව්‍ය ආදිය සෙවීම සදහා මෙම යෙදවීම සිදු කරනු ඇති බවද පැවසෙයි.

කෙසේ වෙතත් බන්ධනාගාර තුල රජයේ ආරක්‍ෂක අංශ ඇතුලු කිරීම සිරකරුවන් සදහා වූ ජාත්‍යන්තර සම්මුතීන් උල්ලංඝණය කිරීමක් යයි එම අංශ විසින් මේ නවන විටත් රජයේ අදාල අංශ වෙත දන්වා ඇති බවටද තොරතුරු ඇත.

මේ වෙනුවට කල යුත්තේ බන්ධනාගාරයන්හි බුද්ධි අංශ දියුණු කිරීම හා ඒ හා සමගාමීව බන්ධනාගාර නිල ආරක්‍ෂක අංශයන් පුහුණු කිරීම යයිද ඔවුන් පෙන්වා දී තිබේ.

නමුත් ඒ සම්බන්ධයෙන් සැලකිල්ලක් නොදක්වා පොලිස් විශේෂ කාර්ය බලකාය යෙදවිමේ කටයුත්ත ක‍්‍රියාවට නැගෙනු ඇති බවද බන්ධනාගාර ආරංචි මාර්ග සදහන් කරයි.

17,756 Viewers