හතුරුගේ නියමයෙන් එක්දින නායකයා වෙනස් වෙයි..සිංහ පිළේ අලුත්ම නායකයා මෙන්න?

ශ‍්‍රී ලංකා ක‍්‍රීකට් තේරීම් කමිටුව විසින් ශ‍්‍රී ලංකා එක්දින කණ්ඩායමේ නායකත්වය සදහා දිනේෂ් චන්දිමාල් පත්කිරීමේ සූදානමක් පවතින බවට මාධ්‍ය වාර්තා පළ වෙයි. දිනේෂ් චන්දිමාල් ටෙස්ට් නායකයකු ලෙස මේ වන දක්වා ඇති දස්කම් සැලකිල්ලට ගනිමින් මෙම පත්වීම සිදුකිරීමට නියමිත බව එම මාධ්‍ය වාර්තා වැඩිදුරටත් දක්වයි.

පාකිස්තානු කන්ඩායම සමග එක්සත් අරාබි එමීර් රාජ්‍යයේ පැවැති ටෙස්ට් තරගාවලියේදී පාකිස්තානු කන්ඩායමට පුර්ණ සුද්දයක් ලබා දිීමට දිනේෂ් චන්දිමාල්ගේ නායකත්වයෙන් යුත් ශ‍්‍රී ලංකා කණ්ඩායම සමත් වු අතර ඉන්දියානු කණ්ඩායම සමග පැවැති තරග තුනකින් යුත් තරගාවලිය 1-0ක් ලෙස නිමාවුවත් ඉන්දියානු බිමේදී තරග දෙකක් ජයපරාජයෙන් තොරව නිමාකරගත හැකි විය.

කෙසේ වෙතත් විස්සයි විස්ස කණ්ඩායමේ නායකත්වය තවදුරටත් තිසර පෙරේරා ට හිමිවනු ඇති බවට වාර්තා වෙයි. චන්දිමාල් පසුගියදා නිමාව දුටු ඉන්දු ශ‍්‍රී ලංකා එක්දින කණ්ඩායමට ද නම් නොකෙරුණු අතර ලබන මස ජනවාරි මාසයේ බංගලාදේශයේ පැවැත්වීමට නියමිත  තුන්කොන් තරගාවලියේ මූලික සංචිතයට ඇතුළත් කර ඇත. ශ‍්‍රී ලංකා ජාතික කණ්ඩායමේ පුහුණුකරු චන්දික හතුරුසිංහ මහතා පත්වීමෙන් පසුව මෙම වෙනස්කම් සිදු වූ  බවට එම වාර්තා වැඩිදුරටත් දක්වයි.