සිතාසි බෙදන්නා අල්ලස් ගනිද්දී මාට්ටු

සිතාසි බෙදන්නා අල්ලස් ගනිද්දී මාට්ටුඋතුරුමැද පළාතේ අධිකරණයකට අනුයුක්තව රාජකාරී කටයුතු කරන සිතාසි ක්‍රියාකරුවෙකු අල්ලස් හෝ දුෂණ චෝදනා විමර්ශන කොමිසම මගින් අත්අඩංගුවට ගෙන තිබේ.

අල්ලස් කොමිසමේ විමර්ශන අධ්‍යක්ෂ ජ්‍යෙෂ්ඨ පොලිස් අධිකාරී ප්‍රියන්ත චන්ද්‍රසිරි මහතා ප්‍රකාශ කළේ එම කොමිසට ලද පැමිණිල්ලක් මත සිදු කළ වැටලීමකදී සැකකරු අත්අඩංගුවට ගත් බවයි.

හිගුරක්ගොඩ අධිකරණ බල ප්‍රදේශයේ පදිංචි පුද්ගලයෙකුට කහටගස්දිගිලිය අධිකරණයේ නඩුවක් ඇති බව පවසා සිතාසියක් බාරදී එම පුද්ගලයා පදිංචි ලිපිනය සොයා ගත නොහැකි බවට අදාළ අධිකරණයට වාර්තා කිරීම සඳහා සැකකරු විසින් රුපියල් 5,000ක අල්ලස් මුදලක් ඉල්ලා තිබේ.

අදාළ සැකකාර සිතාසි ක්‍රියාකරු එම රුපියල් 5,000 අල්ලස් මුදල ලබා ගන්නා අවස්ථාවේදී අල්ලස් කොමිසමේ විමර්ශන නිලධාරීන් විසින් අත්අඩංගුවට ගෙන ඇති බව සඳහන්ය. සැකකරු පොලොන්නරුව මහේස්ත්‍රාත් අධිකරණය වෙත ඉදිරිපත් කිරීමට නියමිත අතර අල්ලස් හෝ දුෂණ චෝදනා විමර්ශන කොමිසම මේ පිළිබඳ වැඩිදුර විමර්ශන සිදු කරයි.
Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment