දුමින්ද සිංගප්පූරුවට රැගෙන යන කතාව ගැන දුමින්දගේ සොහොයුරියගෙන් පිළිතුරක්

මරණ දණ්ඩනය නියම වී ඇති හිටපු පාර්ලිමේන්තු මන්ත්‍රී දුමින්ද සිල්වා මහතා ප්‍රතිකාර සඳහා සිංගප්පූරුවට ගෙනයාමට ඔහුගේ පවුලේ උදවිය සැලසුම් කරන බවට වාර්තා වන තොරතුරු අසත්‍ය බව දුමින්ද සිල්වාගේ ෆේස්බුක් ගිණුමට ඔහුගේ සහෝදරිය වන දිලිනි සිල්වා සටහනක් එක්කරමින් සඳහන් කර තිබේ.

එසේම බන්ධනාගාර රෝහලේ සිට ඔහුව ප්‍රතිකාර සඳහා ශ්‍රී ජයවර්ධනපුර රෝහලට ගෙන ආවේ ඔහුගේ හිසට එල්ල වූ වෙඩි ප්‍රහාරයෙන් පසුව ඔහුට ශ්‍රී ලංකාවේ පළමු සැත්කම කළ වෛද්‍ය මහේෂි මහත්මිය ජයවර්ධනපුර රෝහලේ පමණක් සේවය කරන හෙයින් බවද ඇය සිය සටහනෙන් පෙන්වා දී ඇත.

දුමින්ද සිල්වා ප්‍රතිකාර සඳහා සිංගප්පූරුවට ගෙනයෑමට උත්සාහ කරන බවට තොරතුරු වාර්තා කරනේ ජනතාව නොමග යැවීමට බවත් ඇය සිය සටහනින් වැඩිදුරටත් සඳහන් කර ඇත.

"දුමින්ද සිල්වාව සිංගප්පූරුව වෙත රැගෙන යන බවට පලවන වාර්තාවල කිසිදු සත්‍යතාවයක් නැහැ. එය ජනතාව මුලා කිරීම සඳහා පතුරවන බොරු කතාවක්. ශ්‍රී ජයවර්ධනපුර රෝහලෙන් ඔහුට ප්‍රතිකාර කිරීම සඳහා බන්ධනාගාර නිලධාරීන් විසින් රැගෙන ගියත් එහිදී රෝහල් බලධාරීන් එය ප්‍රතික්ෂේප කර තිබෙන්නේ බන්ධනාගාර ගතව සිටින අයට ප්‍රතිකාර කළ නොහැකි පවසමින්. නමුත් හිසට වෙඩි දෙකක් වැදුනු කෙනෙක් විදිහට දුමින්ද සිල්වාට මානුෂීය අයිතියක් තියෙනවා ඔහුගේ රෝගී තත්ත්වයන්ට ප්‍රතිකාර ලබාගන්න."  යැයි ඇය සිය ෆේස්බුක් ගිණුමෙන් පවසයි.


Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment