ඊමේල් නිර්මාතෘ සමුගනී

විද්‍යුත් තැපැල් හෙවත් ඊමේල් වල නිර්මාතෘ ලෙස සැලකෙන රේ ටොම්ලින්සන් මියගොස් ඇතැයි වාර්තා වේ.

පසුගිය සෙනසුරාදා (05) හෘදයාබාධයකින් මිය ගිය ටොම්ලින්සන් 74 වියේ පසුවූ බව විදෙස් වාර්තා සඳහන් කරයි. විද්‍යුත් තැපැල් සම්බන්ධයෙන් අදහස ඔහුට ඇති වී තිබෙන්නේ 1971දීය.

ඔහු විසින් ලොව පළමු විද්‍යුත් තැපැල් පණිවිඩය යවා තිබුනේ බොස්ටන් හි පර්යේෂණ සමාගමක් වන බොල්ට්, බෙරානෙක් හා නිවුමන් නම් සමාගමේ ඉංජිනේරුවරයෙකු ලෙස කටයුතු කරන අතරතුරේදීය. විද්‍යුත් තැපැල් ලිපින වලට @ යෙදීම ද ඔහුගේ අදහසකි.