අපි හැමදාම යාළුවෝ

රංගන ශිල්පි මේනකා මදුවන්ති සහ රංගන ශිල්පිණියක් වගේම වැඩසටහන් ඉදිරිපත් කරන්නියක් ලෙස ප‍්‍රසිද්ධියට පත් ආක්ෂා සුධාරි ගැන බොහෝ කතා බහට ලක් වුනා. ඒ ඔවුන් දෙදෙනා අතර ඇති වූ විරසකය නිසා. 

ඔවුන් දෙදොනාගේ විරසකය රහසක් නොවුණු අතර මේ වනවිට ඔවුන් අතර කිසිදු අමනාපයක් විරසකයක් නොමැති බවට තමයි වාර්තා වේ. කෙසේ වුව ද ඔවුන්ගේ යහළුමිත්‍රකම වර්ධනය වූ බවත් පසුගිය දිනෙක ආක්ෂාගේ උපන්දින සාදයට මේනකා මදුවන්ති ඇවිත් කියලා දැනගන්න ලැබුණා.

ආක්ෂා, මේනකා ගැන මාධ්‍යට දැක් වූ අදහස් පහතින්,

ඔබේ උපන්දින සාදයට මේනකා මධුවන්තිත් එදා ඇවිත් හිටියා නේද?

දෙන්නව එකට දැක්කෙ කාලෙකින්. මේනකයි, මමයි යාළුවෝ. ඉතින් එයා හැමදාම මගේ දේවල්වල දී ළඟින්ම ඉන්නවා.

ප‍්‍රසිද්ධියේ රණ්ඩුවෙලා කාලයක් තරහ වෙලා හිටියා නේද?

අපි තරහ වෙලා කියලා රාවයක් නම් ගියා තමයි. ඒත් මම කොතැනකවත් කියලා නැහැ මං මේනකත් එක්ක තරහයි කියලා. 

ඔයා නොකිව්වට මේනකා කියලා තිබුණානේ ඔයාලා අතර දැන් කිසිම යාළුකමක් නැහැ කියලා.

මට එහෙම ආරංචි වුණේ නැහැ. මම දන්නේ නැහැ එයා එහෙම කිව්ව බවක්. අපි හැමදාම යාළුවෝ.

එහෙනම් ක්‍ෂේත‍්‍රයට ආව මුල්ම කා‍ලේ කිව්ව විදියටම මේනකයි, ආක්ෂයි වයසට ගියාමත් යාළුවෝ වගේ ඉඳීවි නේද?

අනිවාර්යයෙන්ම. වයසට ගියාමත් අපි මේ වගේ පාටි දාගෙන සතුටින් ඉඳීවි.

ආක්ෂාගේ උපන්දින සාදයේ දී ලබාගත් ඡායාරූප කිහිපයක් පහතින්,