මනමේ නාට්‍යයට එල්ලවූ කුණු බිත්තර ප්‍රහාරයක් නිසා පේරා වළේ නාට්‍ය උළෙල අවලංගුයි

පේරාදෙණිය විශ්වවිද්‍යාලයයේ එදිරිවීර සරච්චන්ද්‍ර එළිමහන් රංග පීඨය හෙවත් ‘වලේ‘එහි කලා මණ්ඩලය
සංවිධානයෙන් පසුගිය 09 වැනිදා ආරම්භවූ වේදිකා නාට්‍ය උළෙල

පළමු දිනයේ සිදුවූ අප්‍රසන්න සිදුවීමකින් පසු අවලංගු කර දමා ඇත. එහි ආරම්භක දර්ශනය වු මනමේ නාට්‍යයට එල්ලවු බිත්තර ප්‍රහාරයක් හේතුවෙන් මෙම තීරණය ගෙන ඇත. කලා මණ්ඩලය හා සිසුන් අතර පැවති මතගැටුමක් මෙම ප්‍රහාරයට පසුබිම්ව ඇත.
මෙම නාට්‍ය උළෙල 9 වැනිදා සිට 15 වැනිදා දක්වා පුරා සතියක කාලයක් නාට්‍ය රැසක් වේදිකාගත කරමින් පවත්වන්නට සූදානම් කර තිබුනි.
 කලා මණ්ඩලයේ සභාපති ආචාර්ය ශාම් කුමාර බන්නැහක මහතා ප්‍රකාශ කර ඇත්තේ එළිමහන් රංග පීඨයේ පැවැත්වූ නාට්‍ය සඳහා බාධා එල්ලවූ තෙවැනි අවස්ථාව මෙය බවයි.