වත්මන් ආණ්ඩුව සමලිංගික අයිතිවාසිකම නීතිගත කිරීමට සුදානම් වන බවත් එය රටේ සංස්කෘතියට හා සභ්යත්වයට පටහැනි බැවින් ඊට තමන්ද විරුද්ධ නමුත් වුවමනාවක් තිබෙනවා නම් එය හොරෙන් ගෙවල් ඇතුලේ කරගත්තාට වරදක් නැති බව හිටපු ජනාධිපති මහින්ද රාජපක්ෂ මහතා ප්රකාශකර සිටියේය.
එම කතාවේදී ශ්රී ලංකා පොදුජන පෙරමුණේ බදුල්ල දිස්ත්රික් නායක පාර්ලිමේන්තු මන්ත්රී කුමාර වෙල්ගමගේ බහු භාර්යා සේවනය ගැනද මහින්ද රජාපක්ෂ අදහස් දැක්වූ අතර එහිදී බහු භාර්යා සේවනය උත්කර්ෂයට නංවමින් ඔහු සඳහන් කර සිටියේ වෙල්ගම ඇමතිතුමාගේ එක බිරිඳක් හපුතලේ බවත්, අනෙක් බිරින්දෑවරු කොහෙදැයි තමන් කියන්නේ නැති බවත්ය. එසේම බහු භාර්යා සේවනය අතින් තමන්ගේ පොදුජන පෙරමුණේ අය සමඟ ආණ්ඩුවේ අයට හැරෙන්නවත් නොහැකි බවද ඔහු සඳහන් කර සිටියේය.
මහින්ද රාජපක්ෂ මහතා මෙසේ පවසා සිටියේ පසුගියදා ශ්රී ලංකා පොදුජන පෙරමුණ මගින් බදුල්ලේ පවත්වන ලද “දිනන සටන” රැළිය අමතමින්ය. එහිදී මහින්ද රාජපක්ෂ මහතා සිය කතාවේදී ශ්රී ලංකා පොදු ජන පෙරමුණ දේශපාලන පක්ෂයක් ලෙස සමලිංගික අයිතිවාසිකම් සහ විවාහය නීතිගත කිරීමට විරුද්ධ නමුත්, සමලිංගික සේවනයට ඔවුන්ගේ විරුද්ධත්වයක් නොමැති බව හැඟවූ අතර ඒ වෙනුවෙන් යෝජනා කර සිටියේ සමලිංගික සේවනය රහසේ ගෙවල් තුළ සිදුකර ගත යුතුව ඇති බවය.
එමෙන්ම වෙල්ගම ඇමතිවරයාගේ බහු භාර්ය සම්බන්ධතා උත්කර්ෂයට නංවමින් තම පාක්ෂිකයින් ඉදිරියේ එය හුවා දැක්වීමට පසුබට නොවීම තුළින් හිටපු ජනාධිපතිවරයා බහු භාර්යා සේවනය එළිපිට සිදුකිරීමේ කිසිදු වරදක් නොමැති බව හැගවෙන ප්රකාශයක් මෙම කතාවේදී සිදුකර තිබේ. මේ අනුව මහින්ද රාජපක්ෂ ජනාධිපතිවරයා හා ශ්රී ලංකා පොදු ජන පෙරමුණ සමලිංගික සේවනය පන්සලේ මෙන් රහසේත්, බහු භාර්යා සේවනය එළිපිට සිදුකළ හැකි බවත් ප්රතිපත්තියක් ලෙස පිළිගෙන තිබේ.
Saturday, December 9, 2017
සමලිංගික සේවනය නීතිගත කරන්න බෑ, ඕනෙනම් හොරෙන් කර ගන්න – මහින්ද රාජපක්ෂ (වීඩියෝ)
Tags
# ඕපාදුප
Share This
About විගස පුවත් I Vigasapuwath
ඕපාදුප
Labels:
ඕපාදුප
Subscribe to:
Post Comments (Atom)
Post Bottom Ad
Author Details
විගස පුවත් වෙබ් අඩවිය මෙරට දේශපාලන ප්රවෘත්ති පාඨක ජනතාවට සැපයීමේ අරමුණින් ක්රියාත්මක වන ප්රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු.
(බාහිර වෙබ් අඩවි වලින් ගනු ලබන තොරතුරු වල සත්යතාවය පිලිබදව අප වගකීම් නොදරන බව කාරුණිකව සලකන්න.)
No comments:
Post a Comment