පෙරේරා = පෙයාර්ස්, සිල්වා = කැලෑව, ෆොන්සේකා = ක්ෂේම භූමිය, පීරිස් = පීරිසිය පෘතුගීසි නම් වල සිංහල තේරුම් දන්නවාද?

ලංකාව පෘතුගීසි යටත් විජිතයක් වීමෙන් පසු අප සමාජයට උරුම වූ විවිධ දේ තිබේ.පෙළපත් නාමයන් භාවිතය ඉන් එකකි. ලංකාවේ විශාල පිරිසක් තවමත් භාවිත කරන පෘතුගීසි පෙළපත් නාමයන් එලෙස භාවිත කළත් ඒවා කවර අරුතකින් යුක්තද යන්න බොහෝ අය දන්නේ නැත. 

සිල්වා, පෙරේරා, ෆොන්සේකා, ප්‍රනාන්දු, අල්විස්, ඩයස්, කොස්තා, අල්මේදා, ද මෙල්, වාස්, මෙන්ඩිස්, රොද්‍රිගු, අල්මේදා ආදී වශයෙන්වූ මෙම පෙළපත් නාමයන් කවර අර්ථ සහිත ඒවාද යන්න විමසා බැලීමට ලාංකිකයෙකු වන ජමික මනෝහර සුබසිංහ දැරූ උත්සාහයක ප්‍රතිඵල පහත දක්වමු. පෘතුගීසි - ඉංග්‍රීසි ශබ්ද කෝෂයක උපකාරයෙන් හා තවම පෘතුගීසි යටත් විජිතයක් වන අප්‍රිකානු මොසැම්බික් දේශයේ සරසවි සිසුවෙකු පැවසූ තොරතුරු අනුව මෙම අර්ථයන් පැහැදිලි කර තිබෙන බව ඔහු සඳහන් කර තිබේ.

පෙරේරා
අර්ථය - පෙයාර්ස් ගස

සිල්වා
අර්ථය: ලන්ද, ලඳු කැලෑව,
(ලතින් බසින් පෘතුගීසි බසට ආවකි)

ද සිල්වා
("De' යන්න ඉංග්‍රීසි බසින් ගත්කල “of" යන අරුත දෙයි.)
 අර්ථය -  ලන්දේ ‘ලදු කැලෑවේ’

මෙල්
අර්ථය -  මී පැණි

ද මෙල්
අර්ථය -  මී පැණියෙහි

කෘෘස්අර්ථය -  කුරුසිය

පීරිස්
අර්ථය -  පීරිසිය

ඩයස්
අර්ථය -  දින (දවස්)

මෙන්ඩිස්
අර්ථය - මෙනෙන්දෝගේ පුත්‍රයා
(මෙනෙන්දෝ යනු යුරෝපයට බලපෑ කතෝලික ශුද්ධවන්තයෙකු සේම රාජ කුමාරයෙකි. )

ප්‍රනාන්දු
අර්ථය - ෆර්ඩිනන්ඩ් රජ පෙළපත

නෝනිස්
අර්ථය : නුනෙප්ගේ (පෘතුගීසි විරුවෙකි) පුත්‍රයා /නවය / සීයා

ගෝමස්/ගෝමිස්
අර්ථය:- “මිනිසා” /මිනිස් පුත්‍රයා

ෆොන්සේකා
අර්ථය : Fon (උල්පත), sicca (වියළි බිම) නැතහොත් කතරක ක්ෂේම භූමිය

කොස්තා
අර්ථය : ගං ඉවුර, බෑවුම, මුහුදු වෙරළ

වාස්
අර්ථය - යකඩ
(හංගේරියානු බසකින් පෘතුගීසි බසට ආවකි)

අල්විස්
අර්ථය - අල්ෆර්ගේ පුත්‍රයා
(ජර්මානු බසින් පෘතුගීසි බසට ආවකි)

රොද්‍රිගු
අර්ථය - ස්පාඤඤ සෙන්පති රොද්‍රිගෝ දියාස්ගේ නමින් බින්න වී ඇත.

සොයිසා
අර්ථය - සූසා ගංගා නිම්න වැසියන්/ලවණමය

අල්මේදා
අර්ථය - සානුව
ඉස්ලාමීය ආක්‍රමණයට යටත්වූ ස්පාඤඤයේ නගරයක් අරාබින් විසින් හඳුන්වනු ලැබූයේ ‘අල් මයිදා‘ යනුවෙනි.

කබ්රාල්
අර්ථය: එළුවන් ලගින තැන

කොරයා
අර්ථය - හදවත

පැස්කුවල්
අර්ථය: පාස්කු මංගල්‍යය

තොරතුරු - ජමික මනෝහර සුබසිංහ