ඩෙංගු ආරක්ෂාවට පාසල් සිසුන්ට ඇඟ වැහෙන ඇඳුම් අඳින්න අවසර

ඩෙංගු අවදානම් කලාපවල පාසල් සිසුවියන්ට නිල ඇඳුමට අමතරව ශරීර වැඩි වශයෙන් ආවරණය වන පරිදි සුදුසු ඇඳුමක් භාවිතයට හා පහළ ශ්‍රේණිවල සිසුන්ට දිග කලිසම් ඇඳීමට මේ කාලයේ අවසර ලබාදෙමින් චක්‍රලේකයක් ඉදිරිපත් කරන බව අධ්‍යාපන ඇමැති අකිල විරාජ් කාරියවසම් මහතා පැවසීය.

වැඩි වශයෙන් ඩෙංගු වැළඳී ඇති පාසල් ළමයින් අතරින් බහුතරය ශිෂ්‍යාවන් හා කොට කලිසම් අඳින ශිෂ්‍යයන් බව හඳුනා ගැනීමෙන් පසු රටේ ඩෙංගු උවඳුර බහුලව පවතින ප්‍රදේශයන්හි තාවකාලික විසඳුමක් ලෙස මේ තීරණය ගත් බවත් කාරියවසම් මහතා පෙන්වා දෙයි.

ඒ අනුව අදාළ ප්‍රදේශවල කොට කලිසම් අඳින පිරිමි දරුවන් සඳහා දික් කලිසම් හා ගැහැණු දරුවන් සඳහා විධිමත් ඇඳුමක් යොජනා කර ඇති බවත් ඒ සඳහා අදාළ චක්‍ර ලේඛනය ඉදිරියේ දී පාසල් වෙත යොමු කරන බවත් කීය. ජල හා සනීපාරක්ෂාව වැඩිදියුණු කිරීමේ වැඩසටහන සඳහා තෝරාගත් පාසල් වෙත මුදල් ප්‍රදානය කිරීම සඳහා අපේ ගම පරිශ්‍රයේ පෙරේදා (04) පැවැති උත්සවයට සහභාගී වෙමින් ඇමැතිවරයා මේ අදහස් පළ කළේය.


Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment