මිද්දෙනිය - ජූලම්පිටියේ වෙඩි තැබිමක්

මිද්දෙනිය - ජූලම්පිටිය ප්‍රදේශයේ නිවසක ඊයේ පස්වරුවේ සිදුවූ වෙඩි තැබීමකින් පුද්ගලයෙකු තුවාල ලබා ඇඹිලිපිටිය රෝහලට ඇතුළත් කර තිබෙනවා.

ඥාතීන් වන පුද්ගලයන් දෙදෙනෙකු අතර ඇති වූ පෞද්ගලික ආරවුලක් නිසා මෙම වෙඩි තැබීම සිදුව ඇති අතර, වෙඩි තැබූ පුද්ගලයාට තුවාල ලැබූ පුද්ගලයාගේ පුත්‍රයා විසින් තියුණු ආයුධයකින් පහර දී ඇති බව සඳහන්.

මේ නිසා වෙඩි තැබූ පුද්ගලයා ද තුවාල ලබා රෝහල්ගත කෙරුණා. ඔහු පොලිස් අත්අඩංගුව යටතේ ප්‍රතිකාර ලබන අතර, වෙඩි තැබීමට යොදා ගත් ගල්කටස් වර්ගයේ ගිනි අවිය ද පොලිස් භාරයට ගෙන තිබෙනවා.