පෙට් ස්කෑන් යන්ත්‍රය මිලදී ගැනීමට කැබිනට් අනුමැතිය

මහරගම අපේක්ෂා රෝහල වෙත ලබා දීමට නියමිතව තිබූ (PET scan)පෙට් ස්කෑන් යන්ත්‍රය මිලදී ගැනීමට කැබිනට් අනුමැතිය හිමි වී තිබේ. අද(12) පැවති කැබිනට් තීරණ දැනුම් දීමේ මාධ්‍ය හමුවට එක්වෙමින් අමාත්‍ය රාජිත සේනාරත්න මහතා මේ බව කියා සිටියේය.

මහරගම පිළිකා රෝහලට ඇතුළත් කෙරෙන රෝගීන්ගේ පිළිකාවේ ස්වභාවය හඳුනා ගැනීමට හා පසුවිපරම් කිරීමට අත්‍යවශ්‍ය පෙට් ස්කෑන් යන්ත්‍රයක් ගැනීම සඳහා මහජනතාවගේ සහය පැතීමට එම රෝහල තීන්දු කළ අතර ඒ සමඟ අත්වැල් බැඳ ගැනීමට මනුසත් දෙරණ ද තීරණය කළේය. ඒ අනූව මහරගම පිළි‍කා රෝහල සඳහා පෙට් ස්කෑන් යන්ත්‍රයක් මිලදී ගැනීමේ උදාර අරමුණ වෙනුවෙන් මනුසත් දෙරණ ක්‍රියාන්විතයද උපරිම සහය ලබාදුන් අතර ඒ සඳහා සුවහසත් මෙත් සිත් ඇත්තන් සිය මූල්‍ය පරිත්‍යාගයන් ලබා දුන් අතර එයට රුපියල් කෝටි 20 ක මුදලක් ජනතා ආධාර වශයෙන් එක් කර ගැනීමට හැකි විය.

කෙසේ හෝ අද දිනයේ මෙම යන්ත්‍රය මිලදී ගැනීමට අනුමැතිය හිමි වීම මනුසත් දෙරණේ ද ජයග්‍රහණයක් වන අතර ඒ සඳහා දායකත්වය ලබා දුන් සුවහසක් සහෘද ජනතාවට අපගේ උත්තමාචාරයට හිමිවනු ඇත.

- අද දෙරණ


Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment