“මට සමාව එපා“ - චංචා කොමිසමට පැමිණි ගෝඨා කළ යුතුදේ තදින්ම කියයි

රාජපක්ෂලාට සමාව දිය යුතු යැයි ඇතැම් පුද්ගලයින් ප්‍රකාශ කර ඇති බවත් තමාටනම් එලෙස අනවශ්‍ය සමාවක් අවශ්‍ය නොමැති බවත් හිටපු ආරක්ෂක ලේකම් ගෝඨාභය රාජපක්ෂ මහතා පවසයි.

හිටපු ආරක්ෂක ලේකම්වරයා බරපතල වංචා සහ දූෂණ සෙවීමේ ජනාධිපති විමර්ශන කොමිසම හමුවට අද(10) කැඳවා තිබිණි. එම කොමිසම හමුවට ඉදිරිපත් වීමෙන් අනතුරුව රාජපක්ෂ මහතා මාධ්‍යවේදීන් හමුවේ මේ බව ප්‍රකාශ කළේය.

තමාට අවශ්‍ය වන්නේ සාධාරණය බවත් තමා පොල්වතු, තේවතු, රබර් වතු, නිවාස, හෝටල් අත්පත් කරගෙන නොමැති බවත් කිසිදු සමාගමක ව්‍යාපාරක කොටස් අරගෙන නොමැති බවත් පෙන්වා දුන් ගෝඨාභය රාජපක්ෂ මහතා එසේ දූෂණ වංචා නොකල තමාට කරදර කරන්නේ ඇයිදැයි ප්‍රශ්න කළේය.

2014 වසරේ කන්කසන්තුරේ සිමෙන්ති කම්හලේ අබලි යකඩ කපා ඉවත් කිරීමට ආරක්ෂක අමාත්‍යංශය විසින් අවසර ලබා දුන් බවට ලබා දුන් ප්‍රකාශයක් සම්බන්ධ සිද්ධියකට අදාළව බරපතල වංචා සහ දූෂණ සෙවීමේ ජනාධිපති විමර්ශන කොමිසම හමුවට ගෝඨාභය රාජපක්ෂ මහතා පැමිණ ඇත.

කන්කසන්තුරේ සිමෙන්ති කර්මාන්ත ශාලාවේ අබලි යකඩ කපා ඉවත් කිරීමේ සිද්ධියට අදාළව ගෝඨාභය රාජපක්ෂ මහතා විසින් බරපතළ වංචා විමර්ශන ජනාධිපති කොමිසම වෙත ලබා දුන් ප්‍රකාශය සාමවිනිසුරුවරයෙකු හමුවේ සහතික කිරීමට ඔහු අද දිනයේ කොමිසම වෙත පැමිණ ඇති බව වාර්තා වේ.


Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment