“මං නිසා වර්ජන එපා“- කාලෝ වෛද්‍ය සංගමයට මූණටම කියයි

තමා නිසා හෝ තමාගේ තනතුර නිසා අසරණ රෝගීන්ව අමාරුවේ දැමීමට වැඩවර්ජනයකට නොයන්නැයි මහාචාර්ය කාලෝ ෆොන්සේකා මහතා රජයේ වෛද්‍ය නිලධාරීන්ගේ සංගමයෙන් අද(10) ඉල්ලා සිටියේය.

ශ්‍රී ලංකා වෛද්‍ය සභාවේ සභාපති ධූරයෙන් පසුගියදා ඉවත්වූ මහාචාර්ය කාලෝ ෆොන්සේකා මහතා හමුවී එම තනතුරින් ඉවත් නොවන ලෙසත් ඔහු ඉවත්කරන්නේ නම් තමන් වැඩ වර්ජනයකට යොමුවන බවත් කියමින් රජයේ වෛද්‍ය නිලධාරීන්ගේ සංගමයේ සභාපති අනුරුද්ධ පාදෙණිය හා එහි ලේකම් වෛද්‍ය හරිත අලුත්ගේ යන මහත්වරු අද මහාචාර්යවරයාගේ නාවල නිවසේ දී ඔහු හමුවී සංදේශයක් බාරදෙමින් ඉල්ලීමක් කළේය.

එම අවස්ථාවේ දී ඔවුන් ඉදිරියේ වැඳ වැටෙමින් ෆොන්සේකා මහතා ඉල්ලා සිටියේ තමා වෙනුවෙන් කිසිදු වැඩවර්ජනයකට නොයන ලෙසයි.
තමා වෛද්‍ය වර්ජනයන්ට අකමැති බවත් වසර 5ක් වෛද්‍ය සභාවේ සභාපති ලෙස කටයුතු කළ බවත් තවත් මාස හයක් කල් ලබාගෙන එම තනතුරේ සිටි බවත් තවදුරටත් එහි රැඳී සිටීමට වුවමනාවක් නැති බවත් ෆොන්සේකා මහතා එහිදී වැඩිදුරටත් පැවසී ය.


Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment