නිති කේෂ්ත්‍රයේ ඉහළ පුටුවල වෙනසක්

මහාධිකරණ විනිසුරුවරුන් දෙදෙනෙකු හා නීතීපති දෙපාර්තමේන්තුවේ ජ්‍යෙෂ්ඨ නියෝජ්‍ය සොලිස්ටර් ජනරාල්වරයකු අභියාචනාධිකරණ විනිසුරුවරුන් ලෙස උසස් කිරීමට ව්‍යවස්ථා සභාව අවසර ලබාදී තිබේ.

ඒ අනුව මහාධිකරණ විනිසුරුවරුන් ලෙස කටයුතු කළ ආර්. අමරසේකර මහතා, ශිරාන් ගුණරත්න මහතා සහ ජ්‍යෙෂ්ඨ නියෝජ්‍ය සොලිස්ටර් ජනරාල් ජනක් ද සිල්වා යන මහත්වරුන් අභියාචනාධිකරණ විනිසුරුවරුන් ලෙස මෙලෙස පත් කොට ඇත. අභියාචනාධිකරණයේ පුරප්පාඩුව පවතින විනිසුරුධුර සඳහා නම් ව්‍යවස්ථා සභාවට ඉදිරිපත් කොට තිබු අතර ඒ අතුරින් මෙම මහත්වරුන් ඒ සඳහා අනුමැතිය ලබා දී ඇතැයි වාර්තා වේ.