දුමින්ද බබා වයසේ නිසා ළඳරු කතා කියනවා

හිටපු ජනධිපති මහින්ද රාජපක්ෂ මහතාට ශ්‍රී ලංකා නිදහස් පක්ෂයෙන් නාම යෝජනා නොදෙන බවට පක්ෂයේ මහ ලේකම් දුමින්ද දිසානායක මහතා විසින් කරන ලද කතාව ළඳරු කතාවක් බව ශ්‍රී ලංකා නිදහස් පක්ෂ මාධ්‍ය ප්‍රකාශක ඩිලාන් පෙරේරා මහතා සඳහන් කළේය. ඒ මහතා මේ බව සඳහන් කළේ ඊයේ (13) පැවති මාධ්‍ය සාකච්ජාවකදීය.

මහලේකම්වරයා ලෙස එවැනි ප්‍රකාශයක් සිදු නොකිරීමට තිබූ බවත්,එහෙත් තවමත් ඔහු බබා වයසේ නිසා මෙවැනි ප්‍රකාශ සිදු කරන බවද හෙතෙම වැඩිදුරටත්  පවසා සිටියේය. මීට අමතරව ශ්‍රී ලංකා නිදහස් පක්ෂ මුලස්ථානයේ හතර මායිම නොදන්නා මහාචාර්ය ජී.එල්.පිරිස් මහතා ශ්‍රී ලංකා නිදහස් පක්ෂයෙන් ලැබෙන නාමයෝජනා ප්‍රතික්ෂේප කළ යුතු බවට ප්‍රකාශ සිදු කරන බවද මාධ්‍ය ප්‍රකාශකවරයා ප්‍රකාශ කළේය.