වෛද්‍යවරුන්ගේ අඩි පාරේ යන්න තැපෑලේ අයත් තීරණයක් ගනී

අනිද්දා මධ්‍යම රාත්‍රියේ සිට යලිත් අඛණ්ඩ වැඩ වර්ජනයක් සිදු කිරීමට තීරණය කළ බව තැපැල් වෘත්තීය සමිති එකමුතුව පවසනවා.  ඒ, ඓතිහාසික වටිනාකමක් සහිත තැපැල් කාර්යාල හෝටල් ව්‍යාපෘතියකට ලබාදීම සහ පරිපාලන ගැටලුවලට විසදුම් ලබා නොදීමට විරෝධය පල කරමින්. 

එම පෙරමුණේ කැදවුම්කරු චින්තක බණ්ඩාර කියා සිටියේ 13 වනදා සහ 14 වනදා දෙදින සංකේත වැඩ වර්ජනයක් පවත්වා මේ පිළිබදව අනතුරු ඇගවුවද රජයේ පාර්ශවයෙන් මේ දක්වා ඊට විසදුමක් ලබා දි නොමැති බවයි. මේ අතර, වැටුප් විෂමතාවය හා වෘත්තීය සමිති මර්දනය කිරීම ඇතුලු කරුණු කිහිපයක් මුල් කරගනිමින් ලබන 28 වනදා උද්ඝෝෂණ ක්‍රියාමාර්ගයක නිරත වන බව ලංකා විදුලි සේවක සංගමය පවසනවා. එහි ප්‍රධාන ලේකම් රංජන් ජයලාල් කියා සිටියේ එදින පැවැත්වෙන මහා සමුළුවෙන් පසු අඛණ්ඩ වැඩ වර්ජනයක් සිදුකිරීම ගැන තීරණයක් ගන්නා බවයි.

Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment