හෘද රෝගීන්ගේ පොරොත්තු ලේඛනය අඩු කිරීමේ සැලසුමක්

හෘද රෝගීන්ගේ පොරොත්තු ලේඛනය අඩු කිරීමේ සැලසුමක්
ශ්‍රී ලංකාවේ සිදුවන මරණවලට හෘද රෝගවලින් විශාල බලපෑමක් සිදු වන බවත් හෘද රෝග අවම කිරීම සදහා රජය විධිමත් වැඩපිළිවෙලක් ආරම්භ කර ඇති බවත් සෞඛ්‍ය, පෝෂණ හා දේශීය වෛද්‍ය අමාත්‍ය රාජිත සේනාරත්න මහතා පවසයි.

අමාත්‍යවරයා මේ බව සඳහන් කළේ පසුගිය දා  කොළඹ කිංග්ස්බරි හෝටලයේ දී පැවති  ශ්‍රී ලංකා හෘද සංගමයේ 17 වන සැසිවාරය අමතමිනි. හෘද රෝග පරීක්ෂණ සෑම පළාතකම සිදුවන අතර, ඉදිරියේ දී හෘද රෝග ප්‍රතිකාර මධ්‍යස්ථාන ද  දිවයින පුරා ඉදි කිරීමට බලාපොරොත්තු වන බව පැවසූ අමාත්‍යවරයා  හෘද රෝගීන්ට නොමිලේ ස්ටෙන්ස් ලබා දීමේ වැඩපිළිවෙල අඛණ්ඩව සිදු කරන බව කියා සිටියේය.එමගින් හෘද රෝගීන්ගේ පොරොත්තු ලේඛණය අවම කර ගැනීමට හැකියාවක් ලැබෙන බවද සඳහන් වේ.

කොළඹ ජාතික රෝහලේ හෘද රෝග ඒකකය සංවර්ධනය කරන අතර, ඊට අවශ්‍ය නවීන උපකරණ සහ සියලුම පහසුකම් ලබාදීමට සෞඛ්‍ය අමාත්‍යාංශය පියවර ගෙන ඇති බව රාජිත සේනාරත්න මහතා තවදුරටත් ප්‍රකාශ කළේය.

Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment