ශ්‍රී ලංකා මුදල් නෝට්ටු භාවිතා කරන්නන්ට වැදගත් පණිවුඩයක්

විකෘති කරන ලද වෙනසක් කරන ලද හෝ හානිකරන ලද මුදල් නෝට්ටු සදහා මේ වසරේ දෙසැම්බර් 31 වැනිදායින් පසු ගෙවීම් නොකරන බව ශ්‍රී ලංකා මහ බැංකුව නිවේදනය කරයි. 

ඒ අනුව යම්කිසි ආකාරයක සටහනක් තබද ලද, ඉරීමකට ලක් කරන ලද හෝ ස්වභාවය කුමන හෝ ආකාරයකට වෙනස් කරන ලද නෝට්ටුවකින් 2017.12.31 වැනිදාට පසුව කිසිදු ආකාරයක ගනුදෙනුවක් සිදු කිරීමට නොහැකි වනු ඇත. 

ශ්‍රී ලංකා මහ බැංකුව පෙන්වා දෙන ආකාරයට ව්‍යවහාර මුදල් නෝට්ටු විකෘති කිරීම, වෙනස් කිරීම හෝ හානි කිරීම 1949 අංක 58 දරණ මුදල් නීති පනත යටතේ වරදක් වන අතර, ඊට දඩ මුදලක් හෝ සිරගත කිරීමකට හෝ ඒ දඩුවම් දෙකටම එකවර යටත් කළ හැකිය. මුදල් නීති පනත යටතේ සිතාමතා විකෘත කළ හෝ වෙනස් කළ හෝ හානි කළ මුදල් නෝට්ටු මහ බැංකුව භාරයේ රදවා තබා ගන්නා අතර, ඒ සදහා කිසිදු ගෙවීමක් සිදු නොකෙරේ.

මෙවැනි මුදල් නෝට්ටු ළග තබාගන්නා පුද්ගලයන් හට එම නෝට්ටුවල මුහුණතේ වටිනාකමට අදාළ අලාභය දැරීමටද සිදුවනු ඇත.


Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment