ඉසුරගේ වැඩ නිසා ආණ්ඩුවේ මත ගැටුම් - රවී දින 4ක් කල්දෙයි

ඉසුරගේ වැඩ නිසා ආණ්ඩුවේ මත ගැටුම් - රවී දින 4ක් කල්දෙයි
මේ දිනවල කොළඹ තැන් තැන්වල ගොඩ ගැසී තිබෙන කුණු කසල දින හතරක් ඇතුළත ත්‍රිවිධ හමුදාව යොදවා හෝ ඉවත් කිරීමට වගකිවයුතු අංශ පියවර ගත යුතු යැයි විදේශ කටයුතු අමාත්‍ය රවී කරුණානායක මහතා පවසයි.

බස්නාහිර පළාත් ප්‍රධාන ඇමැතිවරයා සහ අමාත්‍යංශ අතර පවතින පරස්පරතාවන් හේතුවෙන් ජනතාවට පීඩාවක් විඳීමට ඉඩ නොතැබිය යුතු බව ද ඇමැතිවරයා පැවසීය. කුණු ප්‍රශ්නය ගැන ජනාධිපතිවරයාට සහ අගමැතිවරයාට කරුණු පෙන්වා දී තිබෙන බව ද අමාත්‍යවරයා පෙන්වා දුන්නේය. මේ අතර කොළඹ හා තදාසන්න නගරවල කුණු කසල ඉවත් කිරීමේ කටයුතු විධිමත්ව සිදු නොවන බව ඇමැතිවරුන් කිහිප දෙනෙකු පෙරේදා (13) පැවැති අමාත්‍ය මණ්ඩල රැස්වීමේදී ප්‍රකාශ කර ඇතැයි වාර්තාවේ.


ඒ සම්බන්ධයෙන් ඔවුන් බස්නාහිර පළාත් සභාවට සහ එම ප්‍රධාන ඇමැතිවරයාට ද චෝදනා එල්ල කර ඇතැයි රජයේ ආරංචි මාර්ග සඳහන් කළේය. අමාත්‍යවරුන් වන පාඨලී චම්පික රණවක, ෆයිසර් මුස්තාපා, සරත් ෆොන්සේකා අමාත්‍ය මණ්ඩල රැස්වීමේදී මේ සම්බන්ධයෙන් දැඩිව අදහස් පළ කර ඇතැයි එම ආරංචි මාර්ග පෙන්වා දෙයි.


Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment