ලේඛකයාගේ දත් දෙකක් කැඩූ කොන්දොස්තර රිමාන්ඩ්

පසුගිය සතියේ නුගේගොඩ මහේස්ත්‍රාත් අධිකරණයේ විභාගවූ නඩුවකින් කියැවුනේ සනත් ලෙනෝරා නමැති ලේඛකයාට සිදුවූ ඇබැද්දියකි. 

ඔහු පසුගිය දිනෙක පොතක් මුද්‍රණය කිරීමේ කටයුත්තක් සඳහා  ටයිප් සෙටිං එකතුකරගැනීමට හයිලෙවල් පාරේ මහරගම දක්වා යන බස් රථයක ගමන් කරමින් සිටියදී ඔහුට බැසගන්නට අවශ්‍යවූ දෙල්කඳ මංසන්ධියෙන් බස්සවන ලෙස සීනුව නාද කර බස් රියදුරුට


දන්වා සිටියත් එම ස්ථානයේ නවත්වන්නේ නැතිව බසය ගමන් කර තිබේ. 

මෙම අවස්ථාවේ ඔහු බස් රථයේ කොන්දොස්තර සමග වාදයක පැටලී ඇත. ඔහු තමාට සිදුවූ අසාධාරණය ගැන කියන්නට ගියත් කොන්දොස්තර ඔහුව මායිම් නොකර බැණවැදී ඇති අතර අවසානයේ ඔහුව බසයෙන් එළවා දමා ඇත්තේ දත් දෙකක් කැඩී යන ලෙස පහරක්ද එල්ල කරමිනි.

සිද්ධියෙන් අනතුරුව ලේ පෙරාගෙන බසයෙන් බැසගිය ලේඛකයා තුවාල වලට බෙහෙත් දමාගැනීමෙන් පසුව පොලිසියට ගොස් තමාට වූ අසාධාරණය බස් රථ අංකය සමග ඉදිරිපත් කර තිබුනි. ඒ අනුව ක්‍රියාත්මකවූ පොලිස් නිලධාරීන්  මැදිරිගිරියේ පදිංචිකරුවෙකු බව කියන සුදත් රොෂාන් නමැති කොන්දොස්තර අත්අඩංගුවට ගෙන අධිකරණයට ඉදිරිපත් කරන ලදි.

කරුණු විභාග කළ අතිරේක මහේස්ත්‍රාත් අනුෂ්ක සෙනෙවිරත්න මහතා කොන්දොස්තර සතියක කාලයක් රිමාන්ඩ් බන්ධනාගාරයේ තබන්නට නියම කළේය.

Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment