මියගිය රණවිරුවන්ගේ විශ්‍රාම වැටුප බිරියන්ට

මියගිය රණවිරුවන්ගේ විශ්‍රාම වැටුප බිරියන්ට

යුද ක්‍රියාන්විතයේදී මියගිය රණවිරුවන්ට වසර 55ක් සම්පූර්ණවීමෙන් පසු ඔවුන්ගේ බිරින්ඳෑවරුන්ට එම රණවිරුවාට හිමි විශ්‍රාම වැටුප ලබාදීම කෙරෙහි ජනාධිපතිවරයාගේ අවධානය යොමුව ඇතැයි නගර සැලසුම් හා ජල සම්පාදන රාජ්‍ය අමාත්‍ය සුදර්ශනී ප්‍රනාන්දුපුල්ලේ මහත්මිය පවසයි.

ඇය මේ බව ප්‍රකාශ කළේ පසුගිය 17 වැනිදා කොළඹ පිහිටි ශ්‍රී ලංකා නිදහස් පක්ෂ මූලස්ථානයේ පැවති මාධ්‍ය හමුවකදීය.

මියගිය රණවිරුවාට වයස අවුරුදු 55 වනතුරු ඔහුගේ වැටුප බිරිඳට ලැබෙන නමුත් ඉන් පසුව විශ්‍රාම වැටුපක් නොලැබෙන අතර, ආබාධිත රණවිරුවන්ට වසර 55න් පසු විශ්‍රාම වැටුප ලබාදීමට රජය ගත් තීරණයෙන් පසු යුද්ධයේදී මියගිය රණවිරුවන්ගේ බිරින්ඳෑවරුන් ද එම ඉල්ලීම කර ඇති බව පැවසූ රාජ්‍ය අමාත්‍යවරිය ඔවුන්ට ද ඉදිරියේදී සුබවාදී විසඳුමක් ලැබෙනු ඇතැයි කියාසිටියාය.

ඒ සම්බන්ධයෙන් වැඩිදුරටත් අදහස් දැක්වූ අමාත්‍යවරයි ප්‍රකාශ කළේ ජනාධිපතිවරයා සහ ආරක්ෂක ලේකම්වරයා සමඟ මේ පිළිබඳව සාකච්ඡා කරමින් සිටින බවයි.

Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment