උතුරුමැදට ජලය බෙදන්න නව සැලසුමක්

වියළි කාලගුණික තත්ත්වයන් වලදී උතුරුමැද පළාතේ වැව් සහ ජලාශවල ජලය රඳවා පවත්වා ගැනීම සඳහා යෝජනා සහ සැලසුම් ලබා ගැනීමේ සාකච්ඡාවක් ඊයේ (11) ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ජනාධිපති කාර්යාලයේදී පැවැත්විය.

ඊට අමාත්‍යාංශ ලේකම්වරුන් සහ දෙපාර්තමේන්තු ප්‍රධානීන් එක්ව සිටි බව ජනාධිපති මාධ්‍ය අංශය ප්‍රකාශ කළේය.

ජනාධිපති කාර්යාලයේ පැවැති මෙම සාකච්ඡාවේදී වැව් සහ ජලාශවල ජල මට්ටම ආරක්ෂා කර ගැනීම සඳහා රජය දැනට ගෙන ඇති ක්‍රියාමාර්ග සම්බන්ධයෙන් ද අවධානය යොමු විය.

යෝජිත නව ක්‍රමවේදයන්ට අනුගතව මහවැලි ගඟෙන් කාලිංග නුවර සිට අංගමැඩිල්ල අමුණ දක්වා සහ එතැන් සිට මින්නේරිය වාරි පද්ධතිය දක්වා ජලය පොම්ප කිරීමට ඇති හැකියාව පිළිබදව ද අදාළ නිලධාරීන් ජනාධිපතිවරයාව දැනුවත් කර තිබේ.

එහිදී ජනාධිපතිවරයා ප්‍රකාශ කර ඇත්තේ නව යෝජනාව සම්බන්ධයෙන් මහවැලි සංවර්ධන සහ පරිසර අමාත්‍යාංශයේ මෙන්ම වාරි මාර්ග සහ වනජීවි දෙපාර්තමේන්තුවේ නිලධාරීන් සමඟ සාකච්ඡා කර ඉදිරි සතිය තුළ වාර්තාවක් ලබාදෙන ලෙසයි.

ඊට අදාළව තාක්ෂණික කමිටුවක් පත් කරන ලෙස ද ජනාධිපතිවරයා උපදෙස් ලබාදී තිබේ.

Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment