හමුදාවට යන්න ඉන්ටවිව් ෆේල් වුණු දුකට තරුණයා ගෙල වැලලාගෙන

යුද හමුදාවට බැඳීමට ඉල්ලුම් කොට එම සම්මුඛ පරික්‍ෂණයෙන් අසමත්ව සිත් වේදනාවට පත්ව කාලය ගත කළ තරුණයකු ගෙල වැලලා ගැනීමෙන් මරණයට පත්වූ පුවතක් තලාතුඔය පොලිස් බල ප්‍රදේශයට අයත් කහඹිලියාව ගම්මානයෙන් වාර්තා වෙයි.

පසුගිය 12 වැනිදා මෙලෙස මරණයට පත්ව ඇත්තේ කහඹිලියාව ගම්මානයේ පදිංචිව සිටි ගන්නිලේගෙදර සමිත් කුමාර නමැති වයස අවුරුදු 19ක තරුණයෙකි.

මියගිය තරුණයාගේ පියා ඔවුන් කුඩා කල මියගොස් ඇති අතර පියාගේ අභාවයෙන් පසු මව දරුවන් හැර දමා වෙනත් විවාහයක් සිදු කරගෙන ඇති බවත් මිය ගිය තරුණයා හා ඔහුගේ බාල සහෝදරයා ඔවුන්ගේ මිත්තණිය හා ආබාධිත නැන්දණියගේ රැකවරණය යටතේ කාලය ගත කොට ඇති බවත් මූලික පොලිස් පරීක්‍ෂණවලදී අනාවරණය වී ඇත.

පාසල් අධ්‍යාපනයෙන් පසු විවිධ රැකියා කරමින් සිටි මේ තරුණයා පසුගිය දිනෙක යුද හමුදාවට බැඳීමට තීරණය කර සහභාගි වූ සම්මුඛ පරීක්‍ෂණයෙන් අසමත්ව සිත් වේදනාවෙන් කාලය ගත කොට. පසුගියදා ගෙල වැලලාගෙන ඇත. මරණය ගෙල වැලලා ගැනීමෙන් සිදුව ඇති බව මරණ පරීක්‍ෂණයේදී අනාවරණය වූ බව තලාතුඔය පොලිසිය සඳහන් කරයි.


හේවාහැට - අසංග චම්පික

Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment