ලංකාව අග්නිදිග ආසියාවේ අංක එක වෙයි

ලංකාව අග්නිදිග ආසියාවේ අංක එක වෙයි

නොමේරූ දරුවන්ගේ වර්ධනය නිරීක්ෂණය සඳහා නව ක්‍රමවේදයක් හඳුන්වාදුන් පළමු අග්නිදිග ආසියාතික රට බවට ශ්‍රී ලංකාව පත්වී ඇති බව ලෝක සෞඛ්‍ය සංවිධානය නිවේදනය කරයි.

එමෙන්ම ශ්‍රී ලංකාව මාතෘ හා ළදරු සෞඛ්‍ය රැකවරණය සම්බන්ධයෙන් ලොව ඉදිරියෙන්ම සිටින රට ලෙසද ලෝක සෞඛ්‍ය සංවිධානය විසින් නම් කර අැති බව ඔවුන්ගේ නිල වෙබ් අඩවියට එක්කර තිබූ වාර්තාව දැක්වේ.

එම වාර්තාවට අනුව වසරකට ශ්‍රී ලංකාවේ නොමේරූ දරුවන් 24,500 ක් උපත ලබයි. එම දරුවන් මාස 06 ක් ගත වනතුරු ඔවුන්ගේ බර, දිග හා හිසේ වට ප්‍රමාණය නිරීක්ෂණය කරන අයුරේ මෙම නවතම නිරීක්ෂණ ක්‍රමවේදය මෙරට සෞඛ්‍ය අමාත්‍යාංශය මගින් ඔක්තෝබර් මාසයේදී හඳුන්වාදී ඇත.

තවද එම වාර්තාවේ සටහන් වන්නේ මවුකිරි ලබාදීමේ ප්‍රතිශතය ලොව ඉදිරියෙන්ම සටහන් වන රට වන්නේද ශ්‍රී ලංකාව වන බවයි.

ළදරු හා මාතෘ මරණ අවම අගයක සටහන් වන රටවල් අතර සංවර්ධිත රටවල දත්ත හා සමව ශ්‍රී ලංකාව පවතින බවත් එහෙයින් ශ්‍රී ලංකාව මාතෘ හා ළදරු සෞඛ්‍ය රැකවරණයෙහි ලොව ඉදිරියෙන්ම සිටින රට වන බවත් එම වාර්තාව මගින් පෙන්වාදී ඇත.

Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment