ලංගම සේවකයින්ගේ නිවාඩු සතියක් අවලංගු කරයි

ලංගම සේවකයින්ගේ නිවාඩු සතියක් අවලංගු කරයි

ලබන දෙසැම්බර් 01 වනදා සිට සතියක කාලයක් ලංගම රියදුරු, කොන්දොස්තර, කාර්මික යන කේෂත්‍රයන්හි නියුතු සේවකයින්ගේ නිවාඩු අවලංගු කළ බව ලංගම සභාපති රමල් සිරිවර්ධන මහතා පවසයි.

එසේම ප්‍රවාහන සේවයේ ඇති විය හැකි හදිසි වර්ජන අවස්ථාවකට මුහුණ දිය හැකි පරිදි ලංකා ගමනාගමන මණ්ඩලයෙන් ධාවනය කරවනු ලබන 5300ක් වු බස් රථ සංඛ්‍යාව 6000ක් දක්වා වැඩිකොට ධාවනය සදහා යෙදවීමටද කටයුතු කර තිබේ.

අද (30) පෙරවරුවේ ප්‍රවාහන අමාත්‍ය නිමල් සිරිපාල ද සිල්වා මහතා සමග පැවති විශේෂ සාකච්ඡාවකදි අමාත්‍යවරයා විසින් සභාපතිවරයාට මේ සම්බන්ධව උපදෙස් ලබා දී ඇත.

විශේෂයෙන්ම දෙසැම්බර් 06 වැනි දින ආරම්භ වන අ.පො.ස. සාමාන්‍ය පෙළ විභාගයට ඉදිරිපත් වන සිසුන්ගේ අවශ්‍යතාවය සැලකිල්ලට ගනිමින් හා දුරගමන් සේවා පිළිබද සැලකිල්ලට ගනිමින් මෙම බස්රථ සේවාවන් වැඩි වශයෙන් යෙදවීමට තීරණය කර ඇති බව වාර්තා වේ.

එමෙන්ම බස්රථවල සහ සේවකයින්ගේ ආරක්ෂාව පිළිබද වැඩ පිළිවෙලක් සැකසීම පිළිබදව ලංගම සභාපතිවරයා නියෝජිත පොලිස්පතිවරයා (රථවාහන)  සමග සාකච්ඡාවක් කර ඇති අතර සියළු බස් රථ ගමනාන්තයේ ඇති පොලිස් ස්ථානවල ගාල් කිරිමටද කටයුතු යොදා ඇත.



Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment