පාර්ලිමේන්තුවේ ඉංජිනේරුවරයා කථානායක අසුනේ වාඩිවෙලා

පාර්ලිමේන්තුවේ ඉංජිනේරුවරයා කථානායක අසුනේ වාඩිවෙලා

පාර්ලිමේන්තු සභා ගර්භයෙහි ඇති කථානායක නිල අසුනෙහි ඉතිහාසයේ ප්‍රථම වරට පාර්ලිමේන්තුවේ ඉංජිනේරුවරයා අනවසරයෙන් අසුන්ගෙන ඇතැයි කථානායක වෙත පැමිණිල්ලක්‌ ලැබී තිබේ.

පාර්ලිමේන්තු රැස්‌වීමෙන් පසු පාර්ලිමේන්තු සභා ගැබෙහි පවිත්‍රතා කටයුතු සිදුකර නිමවනතුරු මෙම ඉංජිනේරුවරයා කථානායක අසුනෙහි වාඩිවී පවිත්‍රතා සේවකයන්ට නියෝග පනවමින් සිට ඇතැයි මාතලේ දිස්‌ත්‍රික්‌ එජාප මන්ත්‍රී රංජිත් අලුවිහාරේ මහතා කථානායකවරයාට ලිඛිතව පැමිණිලි කර ඇත.

පාර්ලිමේන්තු රැස්‌වීම පෙරේදා (16) අවසන් වූ පසු මෙම සිදුවීම වී ඇතැයි ද මන්ත්‍රිවරයාගේ පැමිණිල්ලේ සඳහන් වේ.

පාර්ලිමේන්තුව වැනි උත්තරීතර ආයතනයක කථානායකවරයාට වෙන්කර ඇති නිල අසුනෙහි මෙසේ වෙනත් අයකු අසුන් ගැනීමෙන් කථානායකවරයාට මෙන්ම සමස්‌ත ජාතියටම කරන ලද අගෞරවයක්‌ බවද පැමිණිල්ලේ දැක්‌වේ.

පාර්ලිමේන්තුවේ සියලුම කටයුතු සහ පරිපාලන කටයුතු සිදුවනුයේ කථානායකවරයාගේ මූලිකත්වයෙනි. පාර්ලිමේන්තුව තුළ සියලුම මන්ත්‍රීවරුන් කථානායකවරයාගේ අණට යටත් වෙයි.

 

 

Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment