දත් දොස්තරල රාජිතයාගේ වලත්ත මස්සිනාගේ පැටිකිරිය මෙන්න

ශ්‍රි ලංකා ආයුර්වේද සංස්ථාවේ නිත්‍යානුකූල නොවන මුදල් පරිහරණයට සහ අවභාවිතයට නතු නොවන සහකාර සාමාන්‍යාධිකාරි (මුදල්) මහත්මියට සභාපතිගේ සහ කළමනාකර අධ්‍යක්ෂක ගේ මෙහෙයවීමෙන් ආයතන පරිශ්‍රය තුලදීම මැර තර්ජන එල්ල කිරිම නිසා සේවකයන් විසින් පන්නා දැමු රාජිතට අවනත වන ඇමතිවරුන්ට ආතල් ලබාදිමේ සුපිරි සම්භාහන මධ්‍යස්ථාන පවත්වාගෙන යන රාජිතගේ මස්සිනා වන ශ්‍රි ලංකා ආයුර්වේද සංස්ථාවේ සභාපති ලාල් සමරසිංහ සහ කළමනාකාර අධ්‍යක්ෂ රුවන් ලංකේෂවර සහ ළමනාකාර අධ්‍යක්ෂවරයාගේ දූෂිත සහ අදූරදර්ශී ක්‍රියා පටිපාටිය සම්බන්ධයෙන් සම්පූර්ණ අනාවරණයක් පහත දැක්වේ.
ශ්‍රී ලංකා ආයුර්වේද ඖෂධ සංස්ථාවේ සභාපතිවරයාගේ හා කළමනාකාර අධ්‍යක්ෂවරයාගේ දූෂිත සහ අදූරදර්ශී ක්‍රියා බොහොමයක් ඵහි සේවක සංගම් විසින් හෙළිදරව් කර සිටියි. 

2016.08.10 දින ශ්‍රී ලංකා ආයුර්වේද ඖෂධ සංස්ථාව COPE කමිටුව හමුවට කැදවන ලදි. එහිදී ශ්‍රී ලංකා ආයුර්වේද ඖෂධ සංස්ථාවේ සභාපතිවරයාගේ හා කළමනාකාර අධ්‍යක්ෂවරයාගේ දූෂිත සහ අදූරදර්ශී ක්‍රියා බොහොමයක් විමසුමට ලක් වූහ. එසේම සංස්ථාවේ වර්තමාන තත්වය අපි මෙසේ හෙළිදරව්කර සිටිමු. දුෂීත සහ තක්කඩි සභාපතිවරයාගේ ක්‍රියාවන් පරාජයකර ශ්‍රී ලංකා ආයුර්වේද ඖෂධ සංස්ථාව බේරාගැනීමට පෙළගැසෙන අපි ජනතාවගෙන් ඉල්ලා සිටිමු.

රජයේ චක්‍ර ලේඛණ නොසකා හැරීම/ යහපත් අභ්‍යන්තර පාලන නීති වෙනස් කිරීම
රජයේ චක්‍ර ලේඛණ උල්ලංඝනය කොට කළමනාකාර අධ්‍යක්ෂවරයා විසින් මසකට රුපියල් 70000/- ක ප්‍රවාහන දීමනාවක් ලබා ගැනීම. ඊට අමතරව ඔහු හට,
සංස්ථාවෙන් රියදුරකු ලබා දෙයි (අතිකාල හා අනෙකුත් දීමනා සහිතව).
සංස්ථාවෙන් ඉන්ධන ලබාදෙයි.
මුදල් අමාත්‍යාංශයේ රාජ්‍ය ව්‍යාපාර දෙපාර්තමේන්තුවේ 2015. මැයි මස 25 දිනැති පීඊඩි1/2015 අංක දරන ව්‍යාපාර චක්‍රලේඛයේ 3.3 වගන්තිය අනුව නිල වාහනයක් හිමි නිළධාරියකු හට එම නිළ වාහනය පාවිච්චි කිරීම හෝ නිළ වාහනය වෙනුවට රුපියල් 30000/- ක මාසික ප්‍රවාහන දීමනාවක් සහ තනතුරට අදාළ ඉන්ධන දීමනාව ලබා ගැනීම යන විකල්ප දෙකෙන් එකක් තෝරාගත හැක. නමුත් ප්‍රවාහන දීමනාව ලබා ගන්නා නිළධාරින් හට රියදුරකු හෝ රියදුරු දීමනාවක් ලබාදිය නොහැක. එමෙන්ම සංචිත වාහන හෝ වෙනත් කාර්යාලීය වාහනයක් භාවිතා කිරීමට හිමිකමක් නොමැත. එවැනි පැහැදිළි නීති රාමුවක් තිබියදී කළමනාකාර අධ්‍යක්ෂවරයා විසින් බලහත්කාරය යොදවා රාජ්‍ය මුදල් අවභාවිතා කරයි. .
කළමනාකාර අධ්‍යක්ෂවරයාගේ ක්‍රමවේදයට අනුව ප්‍රවාහන දීමනාව ගෙවීම ප්‍රතික්ෂේප කළවිට සභාපතිවරයා හා කළමනාකාර අධ්‍යක්ෂවරයා යන දෙදෙනාම මුදල් අංශයේ නිළධාරින් හට තර්ජනය කරනු ලබයි.
රියදුරාගේ වැටුප්, අතිකාල හා වෙනත් දීමනා කළමනාකාර අධ්‍යක්ෂවරයා විසින් ලබා ගනී.
රජයේ චක්‍ර ලේඛණ උල්ලංඝනය කොට සහකාර සාමාන්‍යාධිකාරි (අළෙවි) වරිය හට මසකට රුපියල් 50000/- ක් බැගින් ප්‍රවාහන දීමනාවක් ගෙවීම.
සභාපතිවරයාට හා කළමනාකාර අධ්‍යක්ෂවරයාට හිතේ හැටියට වියදම් කළ හැකිවන පරිදි යැපීම් හා නවාතැන් දීමනාව සම්බන්ධයෙන් පෙර පැවති චක්‍ර ලේඛණය සංශෝධනය කරවා ගන්නා ලදි. නව ක්‍රමයට අනුව බිල්පත් ඉදිරිපත් කොට ඔනෑම වියදමක් පියවිය හැකිය.
රජයේ චක්‍ර ලේඛණ උල්ලංඝනය කරමින් සභාපතිවරයා විසින් නීති විරෝධී ලෙස ඩීසල් හා පෙට්‍රල් වාහන දෙකක් භාවිතා කරයි.
කළමනාකාර අධ්‍යක්ෂ රුවන් ලංකේෂ්වර සංස්ථාවේ සේවයට පැමිණියේ 2015 මාර්තු අග සිටය. නමුත් ඔහු 2015 පෙබරවාරි සහ මාර්තු යන මාස දෙක සදහාද නීති විරෝධී ලෙස වැටුප් ලබා ගෙන ඇත..
කළමනාකාර අධ්‍යක්ෂ රුවන් ලංකේෂ්වර වැටුප් හා දීමනා ලබමින් සංස්ථාවේ සේවය කරන අතරතුර 2015 වර්ෂයේ යම් කාලයක් පාරිභෝගික සේවා අධිකාරියේද තනතුරක් දරමින් නීති විරෝධී ලෙස ආයතන දෙකෙන්ම වැටුප් හා දීමනා ලබා ගෙන ඇත.
මුදල් කළමනාකරුගේ විරෝධතාවය නොසලකා රුපියල් ලක්ෂ 3.5 කට ආසන්න මුදලක් නීති විරෝධී ලෙස සංස්ථාවෙන් වැයකොට කොරියාවේ පැවති සම්මේලනයකට ජාතික සේවක සංගමයේ සාමාජිකාවක් ලෙස නිරෝෂා ලක්මිණී ඊට සහභාගී කරවීම.
අවිධිමත් බදවා ගැනීම් හා උසස් කිරීම්
බදවා ගැනීමේ පටිපාටිය උල්ලංඝණය කරමින් හිතුවක්කාර ලෙස සභාපතිවරයා විසින් සිවිල් ඉංජිනේරුවරයකු බදවා ගැනීම.
ඔහු හට මාස 07ක සේවය වෙනුවෙන් රුපියල් 555,000.00 ක වැටුපක් ගෙවීම.
මසකට රුපියල් 5000 ක ප්‍රවාහන දීමනාවක් ලබාදී ප්‍රවාහන පහසුකම් ද ලබාදීම.
නොමිළේ නවාතැන් පහසුකම් ලබාදීම.
බදවා ගැනීමේ පටිපාටිය උල්ලංඝණය කරමින් සහකාර සාමාන්‍යාධිකාරි (අළෙවි) වරියක බදවා ගැනීම.
කළමනාකරණ සේවා දෙපාර්තමේන්තුවේ අනුමැතියකින් තොරව අනුමත බදවා ගැනීමේ පටිපාටියේ සදහන් සුදුසුකම් හා පළපුරුද්ද සභාපතිවරයා විසින් හිතුමතේට වෙනස් කොට ඇය බදවා ගැනීම.
සම්මුඛ පරික්ෂණ මණ්ඩලයට කළමනාකරණ දෙපාර්තමේන්තුවේ නියෝජිතවරයකු ඇතුළත් නොකිරීම.
සම්මුඛ පරික්ෂණ මණ්ඩලය අධ්‍යක්ෂ මණ්ඩලය විසින් නොව සභාපතිවරයා විසින් පත්කිරීම.
රජයේ චක්‍ර ලේඛණ උල්ලංඝනය කරමින් ඇය හට ප්‍රවාහන දීමනා ගෙවීම.
සුදුසුකම් හා පළපුරුද්ද ඇති නිළධාරියෙකු අභයන්තරයේ සිටියදී බදවා ගැනීමේ පටිපාටියට අනුව පැවතිය යුතු සුදුසුකම් හා පළපුරුද්ද නැති තැනැත්තියක් තත්වපාලන කළමනාකරු ලෙස බාහිරින් බදවා ගැනීම.
වෘත්තීය සමිති විරෝධතාවය නොතකා 2015 වර්ෂය තුළ පමණක් සේවකයින් 42 ක් අනුමත සේවක සංඛ්‍යාව ඉක්මවා කොන්ත්‍රාත් පදනම මත බදවා ගැනීම. එම තනතුරු වලට බදවා ගැනීමේදී ,
ප්‍රසිද්ධ දැන්වීම් පළ කොට අයදුම් පත් කැදවූයේ නැත.
ව්‍යුහගත සම්මුඛ පරික්ෂණ පැවැත්වූවේ නැත.
රජයේ චක්‍ර ලේඛණ උල්ලංඝනය කරමින් එම සියළු දෙනාටම සියළුම දීමනා ගෙවනු ලබයි.
කොන්ත්‍රාත් පදනම මත ආරක්ෂක නියාමකයින් 12 කු බදවා ගැනීම.
ඉන් දෙදෙනකු වයස අවුරුදු 55 ඉක්ම වූ අය වූ අතර,
05 දෙදෙනෙකු හට සංස්ථාවෙන් වැටුප් ගෙවා අමාත්‍යාංශය වෙත මුදා හැරීම. රාජ්‍ය ව්‍යාපාර චක්‍රලේඛ අංක පීඊ ඩී/12 ප්‍රකාරව කැබිනට් මණ්ඩලයේ අනුමැතියක් නොමැතිව ආයතනයේ සේවයේ නියුතු සේවකයින් අමාත්‍යාංශයට හෝ අනෙකුත් ආයතන වලට මුදා හැරීම කළ නොකැක.
කළමනාකරණ සහකාර තනතුරට අදාළ බදවා ගැනීමේ පටිපාටිය අනුව පැවතිය යුතු සුදුසුකම් නොතිබුණු තරුණියක් සභාපතිවරයා විසින් එම තනතුරට බදවා ගැනීම.
මුදල් අමාත්‍යාංශයේ කළමනාකරණ දෙපාර්තමේන්තුව විසින් අනුමත කළ සේවක සංඛ්‍යාවේ සම්බන්ධීකරණ නිළධාරි තනතුර නොතිබියදී අධ්‍යක්ෂ මණ්ඩල භාණ්ඩාගාර නියෝජිතවරයාගේ සහ අමාත්‍යාංශයේ නියෝජිතවරියගේ අනුමැතියකින් තොරව ව්‍යාපෘති සම්බන්ධීකරණ නිළධාරින් 06 දෙනෙකු පත්කොට විෂය භාර ඇමති තුමාගේ විවිධ කාර්යන් සදහා යොදවා ඇත. තවද එක් අයකුට මසකට රුපියල් 20000/- බැගින් ගෙවීම.
සම්මුඛ පරික්ෂණ විනිවිදභාවයකින් සිදු නොවීම.
මෙතුවක් කල් සම්මුඛ පරික්ෂණ සිදු වූයේ අධ්‍යක්ෂ මණ්ඩලය විසින් නම් කරනු ලබන සම්මුඛ පරික්ෂණ මණ්ඩලයක් විසිනි.
ඊට කළමනාකරණ සේවා දෙපාර්තමේන්තුවේ සාමාජිකයෙක්, රේඛීය අමාත්‍යාංශයේ සාමාජිකයෙක්, සහ අධ්‍යක්ෂ මණ්ඩල සාමාජිකයක් අයත් විය.
එය නිවැරදි ක්‍රමවේදය වේ. එහෙත්, මොවුන් දෙදෙනා පැමිණී පසු එවන් ව්‍යුහයක් සහිත සම්මුඛ පරික්ෂණ මණ්ඩලයක් හරහා බදවා ගැනීම් සිදු නොකරයි.
ඇතැම්විට ලිපිකරුවන් හෝ කම්කරුවන් බදවා ගන්නා විට සම්මුඛ පරික්ෂණයක් තිබෙන බව සාමාන්‍යාධිකාරිවරයා ද නොදනි. සම්මුඛ පරික්ෂණයට පිරිස පැමිණි පසු ඔහුට දැනුම් දෙයි.
පසුගිය දින වල ප්‍රධාන වෛද්‍ය නිළධාරි තනතුර සදහා බාහිරින් බදවා ගැනීමට අයදුම්පත් කැදවනු ලැබීය. ඊට හේතු වූයේ ඖෂධ වල ගුණය අඩුකොට හෝ කඩිනමින් නිෂ්පාදනය ලබාදිය යුතු බවට ඔහු කළ බල කිරීමට වෛද්‍යවරු විරුද්ධ වූ නිසාය.
අධ්‍යක්ෂ මණ්ඩලයේ හා ටෙන්ඩර් මණ්ඩලයේ සාමාජික දඩයම සහ නිළධාරින් පාලනයට මැරයින් යෙදවීම
සභාපතිගේ නිත්‍යානුකූල තීරන වලට එකඟ නොවන නීතිගරුක අධ්‍යක්ෂ මණ්ඩල සහ ටෙන්ඩර් මණ්ඩල සාමාජිකයින් ඇමතිවරයා නොමග යවා ඉවත් කරවීම සහ තැත් කිරීම.
අධ්‍යක්ෂ මණ්ඩල සාමජික, භාණ්ඩාගාර නියෝජිත ආර්. රුශාන්තන් මහතා (ඔහු ඉවත් කිරීමට උත්සහ ගත්ත ද රාජ්‍ය ව්‍යාපාර දෙපාර්තමේන්තුව එම ඉල්ලීම නොසලකා හරින ලදි),
අධ්‍යක්ෂ මණ්ඩල සාමාජිකා දේශීය වෛද්‍ය අංශයේ සැළසුම් අධ්‍යක්ෂක මහත්මිය,
ටෙන්ඩර් මණ්ඩල සාමාජික දේශීය වෛද්‍ය අංශයේ සැළසුම් අධ්‍යක්ෂ උපුල් වීරවර්ධන මහතා,
යන අය ඉවත් කරවීම මීට ඇති හොදම නිදසුන්ය.
සභාපතිවරයාගේ හා කළමනාකාර අධ්‍යක්ෂවරයාගේ අයුතු යෝජනාවලට එකඟ නොවන අධ්‍යක්ෂ මණ්ඩල සාමාජිකයින් හට හිතවත් සේවකයින් යොදවා තර්ජනය කිරීම.
ඔවුනගේ ආත්මගරුත්වය විනාශ වන ආකාරයට සුළු සේවක පිරිස් ඉදිරියේ බැන වැදීම.
විවේචනය කිරීම, අසත්‍ය පැතිරවීම සහ අපහසුතාවයට පත්වන අයුරින් “ හූ ”කීමට සැලැස්වීම.
(මේ සම්බන්ධයෙන් අධ්‍යක්ෂ මණ්ඩල සාමජික,භාණ්ඩාගාර නියෝජිත රුශාන්තන් මහතා මහරගම පොලීසියේ පැමිණිල්ලක් ද දමා ඇත. -පැමිණිළි අංකය – CB II 396/134 )
සභාපතිවරයාගේ හා කළමනාකාර අධ්‍යක්ෂවරයාගේ අයුතු යෝජනාවලට එකඟ නොවූ තැන මැරයන් යොදා සහකාර සාමාන්‍යාධිකාරි (මූල්‍ය) හට කාර්යාලය තුළදී තර්ජනය කරවීම.
(මේ සම්බන්ධයෙන් ඇය මහරගම පොලීසියේ පැමිණිල්ලක් ද දමා ඇත. – පැමිණිළි අංකය – CB II 294/366)
ප්‍රසම්පාදන නීති උල්ලංඝනය කිරීම/ බලපෑම් කිරීම
විෂයානුගත නිළධාරින් විධිමත් ටෙන්ඩර් ක්‍රියාවලි අනුගමනය කොට කටයුතු කරන විට එය නුරුස්නා සභාපතිවරයා හා කළමනාකාර අධ්‍යක්ෂවරයා එම නිළධරියා හෝ නිළධාරිණිය පසෙකලා අවිධිමත් ආකාරයට ටෙන්ඩර් කටයුතු වෙනත් අයගෙන් කරවා ගනු ලබයි.
ටෙන්ඩර් ක්‍රියාවලිය අනුගමනය නොකොට සභාපතිවරයාගේ පුද්ගලික කැමැත්ත මත රුපියල් ලක්ෂ 5.5 ක් වැයකොට ආයතනකින් ප්‍රදර්ශන කුටියක් සාදා ගැනීම.
සභාපතිවරයා හා කළමනාකාර අධ්‍යක්ෂවරයා විසින් නම් ලබා දෙන ආයතන වල පිරිවිතර වලට අනුව භාණ්ඩ හෝ සේවා සදහා වන පිරිවිතර සකස් කර දෙන මෙන් කළමනාකරුවන්ට බලපෑම් කරයි.මෙය වූ කලී තාක්ෂණික අයුරින් ටෙන්ඩර් ක්‍රියාවලිය උල්ලංඝනය කිරීමකි. එසේ කර නොදෙන කළමනාකරුවන්ට බැනවදි. අපහාස කරයි. වැඩ බැරි අය ලෙස හුවා දක්වා නවකයින් පිටතින් බදවා ගැනීමට කටයුතු කරයි.
විෂය දැනුමක් නොමැති පුද්ගලයින් තාක්ෂණික කමිටු වලට පත් කරවා සභාපතිට අවශ්‍ය ආකාරයට වාර්තා සකස් කරවා ගැනීම.
ඇතැම් තාක්ෂණික වාර්තා සභාපතිවරයා විසින් සකස් කොට අත්සන් සදහා තාක්ෂණික කමිටු සාමාජිකයින් වෙත යොමුකොට බලහත්කාරය යෙදවීම.
සභාපතිවරයාට සංතෝෂම් ලබා දෙන ආයතනයට ටෙන්ඩරය ලෙබෙන තෙක් නැවත නැවත මිල ගණන් කැදවීම.
මිල ගණන් කැදවිය යුතු ආයතන වල නම් සභාපතිවරයා විසින්ම ලබාදීම.
සභාපතිවරයාට සංතෝෂම් දෙන ආයතනයක් විසින් ම විවිධ ආකාරයට සකස් කළ මිල ලේඛණ තුනක් හෝ කිහිපයක් ඉදිරිපත් කිරීම හෝ සභාපතිවරයා විසින් සැපයුම් අංශයට භාර දීම.
එක්වර ටෙන්ඩර් නොකැදවා සභාපතිවරයාට සංතෝෂම් දෙන ආයතන වලින් මිල ගණන් තුනක් කැදවා සභාපතිගේ මූල්‍ය සීමාව තුළ භාණ්ඩ හෝ සේවා සපයා ගැනීමට කටයුතු කිරීම.
ගාල්ල රත්ගම ප්‍රදේශයේ පදිංචි පුද්ගලයකුගෙන් එකම රත් හදුන් ගසේ කොටසක් කිලෝ එකක් රුපියල් 800/- බැගින් ද අනෙක් කොටස කිලෝ එකක් රුපියල් 900/- බැගින්ද මිලදී ගෙන සංස්ථාවට රුපියල් 80000/- ක් වංචා කිරීම.
තම සැපයුම්කරුවන්ගෙන් සීනි මිලදී ගන්නා ලෙස සභපතිවරයා විසින් ප්‍රසම්පාදන අධීක්ෂණ නිළධාරියා හට බලපෑම් කිරීම, එසේ නොකරන්නේ නම් සේවයෙන් ඉවත් කරන බවට තර්ජනය කිරීම.(අවාසනාවක මහත, සභාපතිවරයාගෙන් ගැලවිය නොහැකි නිසා මේ වන විට ප්‍රසම්පාදන අධීක්ෂණ නිළධාරියා ඔහු මේ වන විට සේවය අතහැර ගොස් ඇත)
සංස්ථාවට ජෙනරේටයක් මිලදී ගැනීම සදහා මිල ගණන් කැදවනු ලැබීය. ටෙන්ඩරය විවෘත කොට තාක්ෂණික කමිටු වාර්තාව ලබාදීමෙන් පසු Browns ආයතනයෙන් මිලදී ගැනීමට හැකිවන පරිදි තාක්ෂණීක වාර්තාව සකස් කරන ලෙස කමිටු සභාපති ලෙස ක්‍රියා කළ මධ්‍යම ඉංජිනේරු කාර්යාංශයේ ඉංජිනේරුවරියට බලපෑම් කරන ලදි. ඇයට කොන්දක් තිබූ නිසා එයට එකඟ නොවිණ. ඔහු යෝජනා කරන ආයතනයේ මිල ගණන් එවා තිබූ මිල ගණන් අතුරින් වැඩිම මිල එවු ආයතනය බව කිව යුතුය.
ඖෂධ ආනයනය ඔහු විසින් දිගින් දිගටම වලක්වාලයි. ඊට ප්‍රධාන හේතුව වන්නේ ඔහු විසින් සකස් කළ ලැයිස්තුවකට අනුව ආනයනික ඖෂධ සපයන දේශීය ආයතන වලින් මිලදී ගැනීමට පොලඹවා ඒ ආයතන වලින් මුදල් ගරා ගැනීමය.
වාහන පාක් එකක් ඉදිකොට රුපියල් ලක්ෂ 40 ක් වියදම් කිරීමට තැත් කිරීම. මීට අදාළව මිල ගණන් කැදවන ලද්දේ සභාපතිවරයා විසින් ලබාදුන් ලැයිස්තුවකට අනුවය. සේවක විරෝධතාවය මත දැනට එය අත්හිටුවා ඇත.
ටෙන්ඩර් පටිපාටියෙන් බැහැරව සංස්ථාවේ ඇසුරුම් අංශය නවීකරණය කිරීම. මෙය සිදු කරන ලද්දේ සංස්ථාවේ සැපයුම් අංශය විසින් නොව සභාපතිගේ බලපෑම් මත පෙර කී සිවිල් ඉංජිනේරුවා විසිනි.
ටෙන්ඩර් පටිපාටියෙන් බැහැරව සංස්ථාවේ කාර්යාල ගොඩනැඟිල්ලේ වහලය නවීකරණය කිරීම.
ටෙන්ඩර් පටිපාටියෙන් බැහැරව යාපනය නඟරයේ සංස්ථා අළෙවි මධ්‍යස්ථානයක් ස්ථාපිත කිරීම.
ටෙන්ඩර් පටිපාටියෙන් බැහැරව බොරැල්ල ආයුර්වේද රෝහල් පරිශ්‍රයේ සංස්ථාවේ අළෙවි සැලක් ස්ථාපිත කිරීම.
ටෙන්ඩර් පටිපාටියෙන් බැහැරව නව නිෂ්පාදනාගාරය ඇතුළත පාටිෂන් කිරීම.
WP-KG-5684 දරණ සභාපතිවරයාගේ වාහනය පින්තාරු කිරීමට යයි පවසා රුපියල් 150,000/- ක් සභාපතිවරයා විසින් සංස්ථාවෙන් ලබා ගැනීම.(මේ පිළීබද තොරතුරු සංස්ථාවේ ප්‍රවාහන අංශයේ ඇත.)
නාවින්න පතිරගොඩ කර්මාන්තශාලාවේ භූමියේ තිබූ ගසක් කපා ඉවත් කිරීමට රුපියල් 145,000/- ක් වැය කිරීම.
NC 4353 වෑන් රථය විනිවිදභාවයකින් යුතුව මිලදී නොගැනීම. තව ද මෙහි ඇති දෝෂය වන්නේ එම වෑන් රථය ආසන 15 කින් යුත් මඟී ප්‍රවාහන එකකි. නමුත් මිලදී ගත් දින සිට ආසන ගලවා ඉවත දමා භාවිතා කරනු ලබන්නේ ජංගම අළෙවිය සදහාය.මෙය මුදල් කාබාසිනියා කිරීමකි. මන්ද ජංගම අළෙවි කටයුතු සදහා වන පිරිවිතර යටතේ වාහනයක් මිලදී ගත්තේ නම් මීට වඩා අඩු මිලකට මිලදී ගැනීමට හැකියාව තිබිණ.
නව නිෂ්පාදන හා ඇසුරුම් ප්‍රෝඩාව
“ඉසිවර ඔසු” නමින් 2015 මැයි මස 29 දින ඇමතිවරයාගේ උපන් දිනයට සමගාමීව බණ්ඩාරනායක අනුෂ්මරණ සම්මන්ත්‍රණ ශාලාවේ වංචාකාරි උත්සවයක් පැවැත්වීම. මේ සදහා රුපියල් 1,512,190.00 ක් වියදම් වී ඇත. එහිදී,
නව නිෂ්පාදන 10 ක් එහිදී කලඑළි දැක්වූ බව පැවසුවත් සත්‍ය ලෙසම කලඑළි දැක්වූයේ ජීවාලේප බාම් නමින් එක් නව නිෂ්පාදනයක් පමණි.
අනෙක් සියල්ලම ලේබල් හා පෙට්ටි වෙනස් කළ වසර 15 කට වඩා වැඩි කාලයක සිට නිෂ්පාදනය කරනු බලන ඒවාය.
තව ද නව ලේබල් සහ පෙට්ටි ප්‍රෝඩාව නිසා මේ වන විට පැරණි ලේබල් සහ පෙට්ටි විශාල සංඛ්‍යාවක් ගබඩාවල ඉතිරිව ඇත.
විකුණාගත නොහැකිව ජීවාලේප බාම් ඇතුළු තවත් නිෂ්පාදන විශාල ප්‍රමාණයක් වර්තමානය වන විට ගබඩාවල ඉතිරිව ඇත.
පර්යේෂණ මට්ටමේ පැවති නව නිෂ්පාදන පර්යේෂණ අවසන් වීමට ප්‍රථම බලහත්කාරය යොදවා සභාපතිවරයා විසින් ඇමතිවරයාගේ උපන් දින දෙකකට සමගාමීව වෙළද පොලට හදුන්වා දීම. මෙහි ඇති ගැටළුව වන්නේ,
හදුන්වා දුන් එම නිෂ්පාදන සදහා ආයුර්වේද දෙපාර්තමේන්තුවේ සූත්‍ර කමිටුවේ අනුමැතියකින් තොරව නිෂ්පාදනය කිරීම.
රාක්ක ජීවිත කාලය (Expiry Date) පිළිබද පර්යේෂණ නොකර අනුමාන දින යොදා වෙළදපොලට නිකුත් කිරීම
2016 මැයි මස 10 දින වෝටර්ස් එජ් හෝටලයේ නව නිෂ්පාදන හදුන්වා දීමේ උත්සවයක් නැවත පැවැත්විණ. එම උත්සවය ද ඇමතිවරයාගේ උපන්දිනය වන මැයි මස 29 දින පැවැත්වීමට සභාපතිවරයා විසින් සැළසුම් කළත් සේවක කසුකුසුව මත එය මැයි මස 10 දින පැවත්වීය.
එහි දී ආහාරපාන සදහා රුපියල් 325,500.00 ක් වියදම් කළේය.
2015 මැයි මස 29 දින බණ්ඩාරනායක අනුෂ්මරණ සම්මන්ත්‍රණ ශාලාවේ දී ඉදිරිපත් කළ නිෂ්පාදනම නව නිෂ්පාදන යයි කියමින් එදින ද ඉදිරිපත් කෙරිණ.
කෝමාරිකා බීම සහ නෙල්ලි බීම සාම්පල් දෙකක් බලහත්කාරය යොදවා නිෂ්පාදනය කරවා එදින ප්‍රදර්ශනය කළේය. නමුදු අදට ද එවැන්නක් නිෂ්පාදනය නොවන්නේය.
සංස්ථාව පිහිටුවීමේ ප්‍රධාන අරමුණු වලින් බැහැරව සභාපතිවරයා හා කළමනාකාර අධ්‍යක්ෂවරයා මෙම සංස්ථාව රූපලාවන්‍ය නිෂ්පාදන හා බීම නිෂ්පාදනාගාරයක් බවට පත්කරමින් සිටී. 80% ක් රසායන ද්‍රව්‍ය යොදා නිෂ්පාදනය කරන මෙම රූපලාවන්‍ය නිෂ්පාදන “කිසිදු රසායන ද්‍රව්‍යක් අඩංගු නොවේ” යන තේමා පාඨය යටතේ පාරම්පරික බෙහෙත් අතරටම දමා විකුණනු ලබයි. මෙය රාජ්‍ය ආයතනයක් විසින් නොකළ යුතු දෙයකි. පාරිභෝගික ජනතාව මුලා කිරීමකි. සංස්ථාව නව ඉසව්වකට යා යුතුය. ඊට අපේ විරුද්ධත්වයක් නොමැත. එහෙත් පවතින වෙලදපොල ආරක්ෂා කරගනිමින් ඉන් ඔබ්බට යා යුතුය. පැරණි නිෂ්පාදන වලට ප්‍රමුඛතාවය නොදි ආප්ප හදන්නක් මෙන් නව නිෂ්පාදන සාදා වෙළදපොලට ඉදිරිපත් කළ නොහැක.මෙතෙක් හදුන්වා දුන් කිසිවකට සායනික පරික්ෂණ නොමැත. අඩුම තරමින් පාරිභෝගිකයින්ගෙන් අදහසක්වත් ගෙන නොමැත.
අළෙවි සමීක්ෂණයකින් තොරව නව නිෂ්පාදන වෙලද පොලට හදුන්වා දීම. ඒ හේතුවෙන් සංස්ථාවේ නිෂ්පාදන වෙළදපොල තුළ හුදෙකලා වී ඇත. වෙළදපොල සමික්ෂණයකින් තොරව නිෂ්පාදන වෙලදපොලට හදුන්වා දීම උචිත නොවන බව කළමනාකරුවන් විසින් මොවුන් දෙදෙනාට කොතෙක් කරුණු පැහැදිළි කළ ද ඒ කිසිවකට ඇහුම්කන් නොදී කටයුතු කරන ලදි. තව ද ශ්‍රී ජයවර්ධන පුර විශ්ව විද්‍යාලයේ කළමනාකරණ පීඨයෙන් අලෙවි සමීක්ෂණයක් කරවා ගැනීමට මිල ගණන් ද කැදවා තිබූ අතර සභාපති විසින් එය අවලංගු කොට ඔහුට හිතැති ආයතනයකින් කරවා ගැනීමට කැසකවන ලදි.
නව අළෙවිසැල් ප්‍රෝඩාව
ලාභ ලබමින් පැවති පිටකොටුව පාවෙන අළෙවි මධ්‍යස්ථානය වසා දැමීම. මේ පිලිබද විගණන විමසුමක් ද ඇත.
යාපනය නඟරයේ අළෙවි මධ්‍යස්ථානයක් නොතිබුණු බව පවසමින් පැවති අළෙවි මධ්‍යස්ථානය වසා වෙනත් ස්ථානයක අළෙවි මධ්‍යස්ථානයක් පිහිටුවීම. මෙහි ඇති ගැටළුව වන්නේ පැරණි ස්ථානයට බදු කුලිය වශයෙන් මසකට ගෙවන ලද්දේ රුපියල්7,020/- කි. නමුත් නව ස්ථානයට රුපියල් 65,000/- ක් ගෙවනු ලබයි. පැරණි අළෙවි මධ්‍යස්ථානය පවත්වාගෙන යන ලද්දේ ලාභ වශයෙනි.
ලාභ උපයමින් සිටිය තංගල්ල අළෙවි මධ්‍යස්ථානය වසා දමා මාතර නඟරයේ නව අළෙවි මධ්‍යස්ථානයක් ආරම්භ කරන ලදි. මෙහිදී කළ යුතුව තිබුණේ තංගල්ල අළෙවි මධ්‍යස්ථානය එසේ තිබියදී මාතර නඟරයේ නව අළෙවි මධ්‍යස්ථානයක් ආරම්භ කිරීමය
මූල්‍ය විනයක් නොමැතිකම
නිසි මූල්‍ය විනයක් පවත්වාගෙන යාමට මොවුන් දෙදෙනා ඉඩ නොදෙයි.
කළමනාකරණ රැස්වීම් වලදී කොතෙක් තීණ්දු තීරණ ගත්ත ද මොවුන් දෙදෙනා විසින් ඒවා කඩ කරයි.
නිදසුනක් ලෙස,
සැපයුම්කරුවන්ට මුදල් ගෙවිය යුත්තේ භාණ්ඩ ලැබී දින 45 කට පසුව බව තීන්දුවක් ගන්නා ලදි. නමුත් අනියම් ආකාරයට ඔවුන් හට මුදල් ලබාදෙන ආයතන වලින් භාණ්ඩ ලැබී දින දෙකක් ගතවීමටත් මත්තෙන් මුදල් ගෙවන ලෙස මුදල් අංශයට සභාපතිවරයා විසින් බලපෑම් කරයි.(මේ පිළිබද සාක්ෂි අප සතුව ඇත)
සංස්ථාවේ මුදල් තත්වය ගැන නොසලකා යම් යම් කාර්යන් සදහා මුදල් ලබාදෙන ලෙස මුදල් අංශයට බලපෑම් කරයි.
ගබඩා සංකීර්ණයේ කාර්යාල පිහිටුවීම
කොන්ත්‍රාත්කරු විසින් ගොඩනැඟිල්ල භාර නොදී තිබියදී ඉදිවෙමින් පවතින සංස්ථාවේ සිවු මහල් නව ගබඩා සංකීර්ණයේ කාර්යාල පිහිටුවීමට සභාපති අණ කරනු ලබයි.
එහි අනිසි ප්‍රතිඵල පෙන්වා දෙන නිළධාරින් හට සභාපතිවරයා විසින් බැන වදී.
මෙම ගොඩනැගිල්ලට මහා භාණ්ඩාගාරයෙන් මුදල් දී තිබෙන්නේ කාර්යාල පිහිටුවීමට නොව ගබඩා සංකීර්ණයක් වශයෙන් පාවිච්චි කිරීමටය. මුදල් ලබා දීමේදී එය මූලික කොන්දේසියක් වශයෙන් ද තබා ඇත.
මෙවැනි තත්ත්වයක් උද්ගත වී තිබෙන්නේ කාර්යාල සංකීර්ණයට ඔරොත්තු නොදෙන පරිදි අතිරික්ත සේවකයින් බදවා ගැනීමය.
නිෂ්පාදනය හා අළෙවිය වැඩි කළ බවට කරන ප්‍රෝඩාව
ඒකක වශයෙන් ගත් විට මුළු නිෂ්පාදනය 2013 වර්ෂයට සාපේක්ෂව වත් 2015 වර්ෂයේදී වැඩි කිරීමට ඔවුන් දෙදෙනා හට හැකි වී නැත. (පහත වගුව අනුව)
සේවකයකුගේ සාමාන්‍ය වාර්ෂික නිෂ්පාදනය අඩුම කාලය ලෙස වාර්තා වන්නේ 2015 වර්ෂයේදීය.(පහත වගුව අනුව)
2013 වර්ෂයේ හා 2014 වර්ෂයේ එවන් ප්‍රමාණ වලින් නිෂ්පාදන ලබාගෙන තිබෙන්නේ පිලිවෙලින් සේවකයින් 280 කින් හා 261 කින් ය. නමුත් 2015 වර්ෂයේ නිෂ්පාදනය ලබාගෙන තිබෙන්නේ සේවකයින් 343 දෙනෙකිනි. ඇමති තුමාගේ පුද්ගලික කාර්යන් සදහා සංස්ථාවෙන් පඩිගෙවා බදවා ගෙන ඇති සේවකයින් ඇතුළුව ගත් විට සේවකයින් 355 කි.
රාජ්‍ය අංශයේ වාර්ෂික ඖෂධ ඉල්ලුමෙන් සංස්ථාවට සැපයීමට හැකිව තිබෙන්නේ 65% – 70% අතර ප්‍රමාණයකි. ඊට හේතුව නිෂ්පාදනය ප්‍රමාණවත් පරිදි සිදු නොවීමය. මෙවන් වූ වෙළද පොලක් තිබියදී ඖෂධ නිපදවීමට ප්‍රමුඛතාවය නොදී වෙලදපොල සමීක්ෂණ වලින් ද තොරව නව නිෂ්පාදන වලට ප්‍රමුඛතාවය දීම ඉදිරියේ පවතින්නේ අනාගත අවදානමකි. එනම් වරින් වර වෙළදපොලට හදුන්වා දෙන ඖෂධ වලට පෞද්ගලික අංශයේ මෙන් ප්‍රචාරණයක් නොමැත. පාරිභෝගිකයින් එම ඖෂධ ගැන නොදනී. එම නිසා වෙලදපොලක් නිර්මාණය නොවේ. එසේ තිබියදී වෙලදපොලේ ඕනෑ තරම් තිබෙන නිෂ්පාදන සංස්ථාව විසින් නිෂ්පාදනය කොට හුදෙකලාවේ අළෙවි කිරීමට ප්‍රයත්න දරණ ඵල රහිත කාලය තුළ සංස්ථාවේ අනෙක් නිෂ්පාදන වෙළදපොල ගිලිහී යනු ඇත. එහි ප්‍රතිඵලයක් ලෙස පහත ප්‍රතිවිපාක වලට මුහුණ දීමට සිදුවේ.
රාජ්‍ය අංශයේ රෝහල් වලට සංස්ථාව විසින් ඖෂධ නොසැපයීම හේතුකොටගෙන රාජ්‍ය අංශය පෞද්ගලික අංශයෙන් ඖෂධ මිලදී ගැනීමට යොමුවිය හැකිවීම.
එසේ යොමු වුවහොත් කාරක ප්‍රාග්ධන වියදම්වත් ආවරණය කර ගැනීමට නොහැකි තත්වයට පත්වීම.
සංස්ථාව අලාභ ලබන තත්වයට පත්වීම.
සංස්ථා ඉතිහාසයේ අකාර්යක්ෂම හා අදුරුතම පාලන කාලයක් ලෙස මෙය වාර්තා පොතට එක්වීම.
නිෂ්පාදනය සහ අළෙවිය මත ලබන දීමනා අඩු වීමක් හෝ නොලැබෙන තත්වයක් ඇති වුවහොත් සංස්ථාව තුළ කාර්මික සාමය පවත්වාගෙන යාමට නොහැකිවීම.
නව නිෂ්පාදනාගාර ප්‍රෝඩාව
පැරණි සියෙස්ටා නිෂ්පාදනාගාර ගොඩනැඟිල්ලක කොටසක් නවීකරණය කොට 2015 දෙසැම්බර් මාසයේ දී නව නිෂ්පාදනාගාරයක් ආරම්භ කරන ලදි. ඉන් රුපියල් මිලියන 10 ක මාසික නිෂ්පාදනයක් අපේක්ෂා කළහ. නව යන්ත්‍ර සූත්‍ර මිල දී ගත්තේය. නව සේවකයින් ද බදවා ගත්තේය. නමුත්
2016 ගෝස්තු මාසය වන විට එම කර්මාන්තශාලාවේ නිෂ්පාදන දායකත්වය රුපියල් ලක්ෂ 08 දක්වා පහළ බැස ඇත. නමුත් සේවක වැටුප් හා දීමනා , දුරකථන වියදම්, විදුලිය වියදම්, ජලය වියදම් ආදිය පමණක් මාසයකට රුපියල් ලක්ෂ 5.5 කට ආසන්න වේ. ඉන් පැහැදිලි වන්නේ අනෙකුත් පිරිවැය තත්වයන් ද එකතු වූ විට නව කර්මාන්තශාලාව සංස්ථාවට බරක් වී ඇති බවය.
එම කර්මාන්තශාලාවේ නිෂ්පාදන එසේ අඩුවෙන් නිෂ්පාදනය කිරීමට සිදුව තිබෙන්නේ එහි නිපදවන නව නිෂ්පාදන වෙළදපොලේ අළෙවි වන්නේ ඉතා අඩුවෙන් වීමය.
හිතුවක්කාර ණය ගැනීම
අධ්‍යක්ෂ මණ්ඩලයේ අනුමැතියකින් තොරව ලාභයෙන් 10% ක් සහ සම්පූර්ණ ණය මුදල ආපසු ගෙවීමේ පදනම මත සෞඛ්‍ය අමාත්‍යාංශයේ “ ජාතික සෞඛ්‍ය අරමුදලින් ” රුපියල් මිලියන 25 ක් සභාපතිවරයාගේ තනි කැමැත්තට ණය ගැනීම. සහ පළමු ණය මුදලින් (රුපියල් මිලියන 15 න්) 71% ක් ප්‍රචාරණ කටයුතු සදහා යෙදවීය. මෙහි තවත් ගැටළු කිහිපයක් ඇත.
ප්‍රචාරණ කටයුතු සෘජුව සංස්ථාවට කළ හැකිව තිබියදී ඒජන්තවරුන්ලවා කරවා ගැනීම.
ඒජන්තවරුන් තෝරාගත් ආකාරය විනිවිද නොවීම.
ප්‍රචාරණ මාධ්‍ය ආයතන තෝරාගත් පදනම (නිදසුන- මාධ්‍ය ආයතන වල ජනප්‍රිය ශ්‍රේණිගත කිරීම) ඒජන්තවරුන් විසින් ඉදිරිපත් නොකිරීම.
අධ්‍යක්ෂ මණ්ඩලයේ අනුමැතියකින් තොරව සභාපතිවරයාට හිතුමතේට සංස්ථාව වෙනුවෙන් ණය ලබා ගැනීමට හැකියාව තිබේද යන්න.
සේවක විනය
සංස්ථාවේ විනය විශාල බිද වැටීමකට ලක්ව ඇත. සේවකයින් කළමනාකරුවන්ට අවනත නොවන තත්වයට පත්ව ඇත.
සභාපතිවරයා හා කළමනාකාර අධ්‍යක්ෂවරයා විසින් සංස්ථාව තුළ කල්ලිවාදය පතුරුවා ඇත.
සුළු සේවකයින් ඉදිරියේ කළමනාකරුවන්ට පදනම් විරහිතව අපහාස වන අන්දමින් බැන වදී.
බොරු කතා පතුරුවයි.
අසැබි වචන භාවිතා කරයි.
උගත්කමට ගරහයි. පළපුරුද්දට ගරහයි.
ඉන් සිදුවන්නේ ආයතනයේ විනය පිරිහීමය. සේවා අකාර්යක්ෂමතාවය ඇතිවීමය. සමඟිය බිදවැටීමය. සාමුහිකත්වය බිදවැටීමය.
ජේ‍යෂ්ඨ කළමනාකරුවන්ට සහ කළමනාකරුවන්ට පහර දීමට හෝ තර්ජනය හෝ අනියත බලපෑම් කරන සභාපතිවරයා හා කළමනාකාර අධ්‍යක්ෂවරයාගේ මැර පිරිස් වලට විනයානුකූලව කටයුතු නොකරයි.
සභාපතිවරයා සහ කළමනාකාර අධ්‍යක්ෂ වරයා සෑම විටම ප්‍රකෝපකාරි ලෙස හැසිරෙයි.
යහපාලනයේ රැස්පොට් පෙන්වීම
රජයේ නීති රාමුවට ඉහළින් ඇතැයි සිතන සභාපතිවරයා හා කළමනාකාර අධ්‍යක්ෂවරයා,කළමනාකරණ සේවා දෙපාර්ත්මේන්තුවේ නිළධාරි මහතුන්ට බැන වදී. රජයේ විගණන නිළධාරින්ට බැන වදී, සහ තමාට එකඟ නොවූ අතිරේක ලේකම් වරුන් මාරු කර යැවු බවද, තමා නීති කඩන බව ද,කුමන අක්‍රමනතාවයක් කළ ද පසුව ලිපිගොනු සකස් කළ හැකි බවද,ඒ අනුව කටයුතු කරන ලෙස කළමනාකරුවන්ට බලපෑම් කරයි.
ඒකාධිපති වියරුව
කළමනාකරණ රැස්වීම් වලදී කළමනාකරුවන්ට අදහස් ප්‍රකාශ කිරීමට ඉඩ නොදෙයි.
සභාපතිවරයාගේ තනි මතය පමණක් ක්‍රියාත්මක කිරීමට බලපෑම් කරයි.
ඒ සෑම බල කිරීමක්ම ලිඛිතව නොදෙයි.
වාචික උපදෙස් හා නියෝග ලබාදෙයි.
ඒවා ක්‍රියාත්මක නොකරන විට ඔවුන්ට බැනවදී.
වැඩ බැරි අය ලෙස හුවා දක්වයි.
කිසිම වගවිභාගයකින් තොරව ස්ථාන මාරු කරයි.
රාජිතගේ වලත්ත මස්සිනා හූ කියා පන්නයි

රාජිත සහ මස්සිනාගේ “බඩුපොට්” එකට නිළ අයිතිය ලැබේ-ඇමතිවරුන්ගේ ඇට තලන්න සුදානම්!



උපුටා ගැනීම : Lanka News Web Today
Share on Google Plus

About විගස පුවත් 24x7

0 comments:

Post a Comment

වසා දමන්න