ඥානසාර හිමිගේ නඩුව ජනවාරියේ කැඳවයි

ඥානසාර හිමිගේ නඩුව ජනවාරියේ කැඳවයි

අධිකරණයට අපහාස කළ බවට චෝදනා කරමින් බොදු බල සේනා සංවිධානයේ මහ ලේකම් පූජ්‍ය ගලගොඩඅත්තේ ඥානසාර හිමිට එරෙහිව පවරා ඇති නඩුව ජනවාරි මස 11 වනදා කැඳවීමට අභියාචනාධිකරණය නියම කර තිබේ.

හෝමාගම  මහේස්ත්‍රාත් රංග දිසානායක මහතා විසින් ඉදිරිපත් කළ පැමිණිල්ලකට අනුව නීතිපතිවරයා විසින් අදාළ නඩුව ගොණු කර ඇති බව සඳහන්ය.

මාධ්‍යවේදී ප්‍රගීත් එක්නැලිගොඩ අතුරුදන්වීම සම්බන්ධයෙන් වන නඩුව හෝමාගම මහේස්ත්‍රාත් අධිකරණය හමුවේ කැඳවූ අවස්ථාවේ අධිකරණ භූමියේ අධිකරණයට අපහාස වන ආකාරයෙන් හැසුරුණු බවට චෝදනා කරමින් නීතිපතිවරයා විසින් ඥානසාර හිමිට එරෙහිව සංශෝධිත චෝදනා පත්‍රයක් ඉදිරිපත් කර තිබිණි.

කෙසේ වෙතත් එම චෝදනා පත්‍රයට එරෙහිව මූලික විරෝධතා මතුකරන බව ඥානසාර හිමිගේ පාර්ශවයේ නීතිඥවරුන් සඳහන් කර තිබේ.

ඒ අදාළ මූලික විරෝධතා ජනවාරි මස 11 වනදාට ඉදිරිපත් කිරීමට පියවර ගන්නා ලෙස අභියාචනාධිකරණය නියම කර ඇති බව වාර්තා වේ.



Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment